ဗလာမဲ့ ပစ္စုပ္ပန်

Holiday ကုန်ဆုံးလို့
လုပ်ငန်းခွင်ထဲ ပြန်ရောက်ခဲ့တာ
ဒီနေ့ဆိုရင် တပတ်ပြည့်ပြီပေါ့....။

ည၇နာရီခွဲပြီ...
ဆိုင်ထဲကိုဝင်လာတဲ့ ဧည့်သည်တွေ
တသုတ်ပြီး တသုတ်...တဖွဲ့ပြီးတဖွဲ့
ဝင်လာမဆဲ တဖွဲဖွဲပေါ့...။

မီးဖိုထဲက
အားကြိုးမန်တက် အပြိုင်အဆိုင်ချက်ပြုတ်နေကြတဲ့
အကြော်ဆရာတွေရဲ့ ချွေးသံရွှဲရွှဲနဲ့
သူတို့ရဲ့မျက်နှာပေါ်က ခံစားချက်
သူတို့မိသားစုအတွက် ဘဝရဲ့တိုက်ပွဲတခုကို
တိုက်ပွဲဝင်နေသလိုပါပဲ...။

အငွေ့တထောင်းထောင်း ထနေတဲ့
ဟင်းပွဲအပြည့်နဲ့ ဘန်းကိုသယ်လာတဲ့
စားပွဲထိုးလေးတွေရဲ့ အားအင်တွေ....
မောပမ်းနွမ်းနယ်မှုကို လစ်လျှူရှူလို့
စားသုံးသူ ဧည့်သည်တွေအတွက်
အပြုံးအပြည့်နဲ့ ဝန်ဆောင်မှုတွေ ပေးနေကြတယ်...။

ဟာသနှောလို့ အပြောကောင်းတဲ့
စားပွဲထိုးတရုတ်မလေးတယောက်ကြောင့်
ဆိုင်ထောင့်စွန်း စားပွဲက ဧည့်သည်တချို့“ ပွဲ”ကျနေကြလေရဲ့...

ပျော်ရွှင်ရယ်(ရီ)မောနေတဲ့ သူမရဲ့ခံစားချက်အစစ်အမှန်
ထုတ်ဖော်ဖွင့်ပြခွင့် မရရှာတဲ့ သူမရဲ့ဘဝ
သူမရဲ့မိခင်...မနေ့က တရုတ်ပြည်မှာဆုံးသွားတယ်ဆိုတဲ့သတင်း...
မိခင်ရဲ့ဇာပနကို တက်ခွင့်မရရှာတဲ့သူမ...
ဘယ်မှာလာလို့ ပျော်နိုင်မှာတဲ့လဲ....

သူမအတွက်...မိသားစုအတွက်...ငွေလိုတယ်...
နိုင်ငံခြားမှာ စာချုပ်နဲ့ အလုပ်လုပ်နေရတဲ့
သူမရဲ့ဘဝ...သူမမှမပိုင်တော့ပဲ....။
အားရအောင် ငိုပိုင်ခွင့်မရှိတဲ့သူမ...
ဧည့်သည်တွေမမြင်အောင်
မျက်ရည်တွေကို သုတ်လိုက်တယ်...
ပြီးတော့ အလှဆုံးအပြုံးမျက်နှာနဲ့
ဟာသစကားလုံးတွေရှာရင်း ဧည့်သည်တွေကို ဆက်ပြီးဧည့်ခံနေလေရဲ့။

“စပိန်...စပိန်”...တဲ့
“ဟော်လန်...ဟော်လန်”...တဲ့
လူတွေအော်နေကြတဲ့
ဘေးဆိုင်က အရက်ဘားမှာ ပြနေတဲ့ ဘော်လုံးပွဲမြင်ကွင်း...
ငါ့အတွက် “စပိန်”..ဟာ အရေးမကြီးသလို..
“ဟော်လန်” ဟာလည်း အရှင်သခင်မဟုတ်ခဲ့ဘူး...
ငါကတော့...“ဧည့်သည်...ဧည့်သည်...လာ..လာ..”...လို့ စိတ်ထဲက ခေါ်နေမိတယ်...။

ငါဟာ စားသောက်ဆိုင်တခုက ဧည့်ကြိုတယောက်
ငါ့အလုပ် ငါလုပ်နေတယ်...
ဆိုင်ထဲကို ဧည့်သည်အများဆုံးသွင်းနိုင်ရမယ်...
ဧည့်သည်အားလုံးကို အပြုံးနဲ့ကြိုဆိုရမယ်...
အပြုံးနဲ့နှုတ်ဆက်ရမယ်....
ဧည့်သည်ပျော်အောင်လုပ်နိုင်ရမယ်...
ဒါဟာ..ငါ့ဘဝ

အဲဒီဘဝထဲမှာပဲ...
ငါဟာ...တရက်ပြီးတရက်...
တလပြီး..တလ...
တနှစ်ပြီး..တနှစ်နဲ့...ဖြတ်သန်းကုန်ဆုံးရင်း...
ငါလိုချင်တဲ့ ဒေါ်လာတွေ...ယူရိုတွေ...
တရွက်ပြီးတရွက်...တထပ်ပြီးတထပ်...
ဟားဟား...ငါ ရခဲ့တယ်ဆိုပါတော့
ငါ...တကယ်ကျေနပ်ရဲ့လား...တကယ်ပျော်ရဲ့လား...
အဲဒါ...ငါ့ဘဝအတွက်တဲ့လား...
ငါ...သက်ပြင်းတချက်ချလိုက်တယ်...။

စားပွဲတခုပေါ်က ဧည့်သည်စားပြီးသွားတဲ့ ပုဂံတွေကိုသိမ်းရင်း
ပြောင်လက်နေတဲ့ နံရံပေါ်က ငါ့ပုံရိပ်ကို ကြည့်မိသွားတယ်...
မိတ်ကပ်အဖွေးသားနဲ့...ငါ
သိပ်လှနေသလိုပဲ...။

ဧည့်သည်တွေ ပြောနေကြတဲ့ အသံကို ငါ သဲ့သဲ့ကြားလိုက်ရတယ်
“ဧည့်ကြိုမလေးက လှလိုက်တာ”...တဲ့
ကိုယ့်ကိုယ်ကို ပြန်သုံးသပ်ကြည့်မိတယ်...
ငါ..တကယ်လှရဲ့လား
ငါ့ဘဝကရော...တကယ်လှရဲ့လား...။

အတွေးမဆုံးခင်မှာပဲ...
”Excuse me, ...Can I have the bill”....တဲ့
စားပွဲဝိုင်းတခုက အမျိုးသမီးတယောက်ရဲ့အသံ
သူ့မျက်နှာမှာ မိတ်ကပ်မရှိဘူး
သူ့လည်ပင်းမှာ ရွှေဆွဲကြိုးမရှိဘူး
သူ့နားမှာ စိန်နားကပ် မပန်ထားဘူး..
ဒါပေမယ့်...
သူ့ရင်ခွင်ထဲက ရင်သွေးလေးကို မြှူနေတဲ့ သူ့အပြုံးမှာ
ပျော်ရွှင်မှုတွေရှိတယ်...လွတ်လပ်မှုတွေရှိတယ်...ငြိမ်းချမ်းမှုတွေရှိတယ်...
အိမ်ထောင်ဦးစီးရှိတယ်...သားသမီးရတနာရှိတယ်...မိသားစုရှိတယ်...
အဲဒါ...သူ့ဘဝရဲ့ ပြည့်စုံမှုနဲ့ သူ့ရဲ့အလှတရားတွေပဲပေါ့..။
သူနဲ့ယှဉ်ရင် ငါ့ရဲ့အလှတရားက “ဗလာ”

ငါပိုင်တဲ့..ငါ့ဘဝ...
ငါ့ရဲ့ လွတ်လပ်မှု..
ငါ့ရဲ့ အချိန်တွေကို ငါကိုယ်တိုင်ရောင်းစားခဲ့တာ..
ငါ့ဒေါသနဲ့ငါပဲ...
ငါ..ဘာလုပ်သင့်သလဲ...
ရှေ့တိုးမလား...နောက်ဆုတ်မလား...။

ဧည့်သည်တွေလည်း ပြန်ကုန်ပြီ
မီးတွေ မှိတ်လို့ ဆိုင်လည်းသိမ်းပြီ
ငါ....
အတွေးစတွေကို ဖြတ်လိုက်တယ်...
မပြီးဆုံးနိုင်သေးတဲ့ ငါ့ ဘဝအတွက်
ပေးဆပ်မှု(သို့) ရယူမှု တခုအတွက်
မနက်ဖြန်များစွာအတွက်
ငါ...အားမွေးရအုံးမယ်.....။