ခင်ရာဆွေမျိုး

တခါတလေတော့လည်းကျမကိုယ်ကျမစိတ်ပျက်မိပါတယ်။ကျမရဲ့ကိုယ်ပိုင်ဟန်၊ကိုယ်ပိုင်မာန်တွေ

ကျမရဲ့ကိုယ်ပေါ်ကပျောက်ဆုံးသွားခဲ့တာ၊အခုဆိုရင်(၅)နှစ်ကျော်ကြာခဲ့ပြီပေါ့။

ငွေမျက်နှာတခုကြောင့် မာန်ကိုချရင်းတရုတ်စားသောက်ဆိုင်ကြီးတခုမှာ ဧည့်ကြိုတာဝန် ကိုထမ်းဆောင်ရင်းကျမဘဝရဲ့တစိတ်တဒေသကိုဤဆိုင်ကြီးအတွင်းမှာနှစ်မြုတ်ခဲ့ရတယ်။

ပျော်ရွှင်စွာ အလုပ်လုပ်ရတဲ့နေ့တွေရှိသလိုစိတ်ပျက်လက်ပျက်ဖြတ်သန်းခဲ့ရတဲ့နေ့တွေဟာလည်း မရေမတွက်နိုင်အောင်ပါပဲ။မိဘမရှိတော့တဲ့ကျမ၊မောင်နှမအရင်းအချာမရှိတဲ့ကျမအတွက် ဆိုင်မှာအလုပ်အတူတူလုပ်နေကြတဲ့လုပ်ဖော်ကိုင်ဖက် သူငယ်ချင်းတွေဟာ ကျမရဲ့ညီအမတွေပဲပေါ့။ဆိုင်မှာပုံမှန်လာစားကြတဲ့ဧည့်သည်တွေဟာလည်းကျမရဲ့မိဘ၊

ဆွေမျိုးတွေလို့ကျမသဘောထားပါတယ်။တခါတလေစိတ်အခန့်မသင့်လို့ သူငယ်ချင်းတွေစကားများတဲ့အခါတွေရှိတတ်ပေမယ့်လည်းခနပါပဲ။မိဘ၊မောင်နှမ သားချင်းတွေကိုခွဲခွာပြီးနိုင်ငံရပ်ခြားမှာအလုပ်လာလုပ်နေတဲ့သူအချင်းချင်းမို့လားမသိ၊

ဝန်ထမ်းတိုင်းဟာတယောက်ကိုတယောက်နားလည်မှုရှိကြတယ်။ကြင်နာကြတယ်၊

တယောက်ကိုတယောက်ဖေးမကူညီကြတယ်။ပျော်ရွှင်စရာကောင်းတဲ့အဖွဲ့လေးတဖွဲ့ပါပဲ။

ကျမအလုပ်လုပ်တဲ့ တရုတ်စားသောက်ဆိုင်ကြီးရဲ့အကြောင်းကို ပြောပြမယ်နော်။

ဆိုင်အမည်က"ကလိုရီ"(Chloe's)တဲ့။ (၄)ထပ်တိုက်အဆောက်ဦးကြီးပေါ့။

"ကလိုရီ"ဆိုတဲ့ဆိုင်းပုဒ်ကိုဖြတ်ကျော်ပြီးတံခါးဝကိုရောက်လို့ပထမဦးဆုံး အင်္ဂလိပ်ဘာသာစကားနဲ့"မင်္ဂလာပါရှင်...ကောင်းသောညနေခင်းလေးပါ"လို့

စတင်နှုတ်ဆက်သူဧည့်ကြိုဖြစ်သူ ကျမကို စာဖတ်သူများအရင်ဦးဆုံးတွေ့ကြရပါလိမ့်မယ်။

ကဲ...ကျမနောက်ကလိုက်ရင်းဆိုင်ထဲကိုလျှောက်ကြည့်ကြရအောင်နော်။ကျမတို့ဆိုင်ကို ပထမ၊ဒုတိယ၊တတိယနှင့် စတုတ္ထလွှာဆိုပြီး(၄)ထပ်သတ်မှတ်ထားပါတယ်။

အထပ်တထပ်ဆီမှာ ကွဲပြားခြားနားမှုလေးတွေ အနည်းငယ်စီရှိကြပါတယ်။

ပထမထပ်။ ။ ဆေးလိပ်မသောက်ရသောအထပ်ပါ၊ခလေးများပါသောမိသားစု၊

လှေခါးမတက်နိုင်သော သက်ကြီးရွယ်အိုဧည့်သည်များ၊

အနောက်တိုင်းဝတ်စုံပြည့်မဝတ်ထားသူများအတွက်ဖြစ်ပါတယ်။

တာဝန်ကျဝန်ထမ်းများဟာ ခလေးရဲ့အထာကိုသိသူ၊

ခလေးထိန်းတတ်သူ၊ခလေးအကြိုက်ကိုလိုက်တတ်သူများဖြစ်ပါတယ်၊စက္ကူလေးများကို

အသုံးပြုကာအရုပ်ကလေးများအဖြစ်ပြုလုပ်ပြီးခလေးများကိုငြိမ်အောင်ထိန်းပေးတတ်သော

ဝန်ထမ်းများလည်းပါရှိပါတယ်။

ဒုတိယထပ်။ ။ ဆေးလိပ်မသောက်ရသောအထပ်ပါ၊လှေခါးတက်နိုင်သူ လူကြီးများ၊

လူငယ်စုံတွဲများ၊ခလေးမပါသော မိသားစုများအတွက်ဖြစ်ပါတယ်။

ဤအထပ်တွင်တာဝန်ကျသောဝန်ထမ်းများဟာ လူ့အရိပ်အကဲကိုကြွမ်းကျင်စွာနားလည်

သဘောပေါက်သူများဖြစ်ရပါမယ်။၊ဖြတ်ထိုးဥာဏ်ရှိသူ၊ဗဟုသုတကြွယ်သူဖြစ်ရပါမယ်။

အကြောင်းကတော့ ဧည့်ကြိုဖြစ်သူကျမမှ ဧည့်သည်များအတွက်စားပွဲနေရာချထားပေးရာတွင် စုံတွဲများကို ဒုတိယထပ်သို့ပို့လေ့ရှိပါတယ်။အထူးသဖြင့်စားပွဲထိုးများမှ ဧည့်သည်များကို ဧည့်ခံရာတွင် ဧည့်သည်မိန်းခလေးကိုသာ အသားပေးပြီးပြောရပါတယ်၊

ဧည့်သည်ယောက်ျားလေးနှင့်စကားများများပြောမိရင်တော့ ဧည့်သည်ကောင်မလေး

များရဲ့မကြည်ဖြူမှုတွေနဲ့ရင်ဆိုင်ရတတ်ပါတယ်။ဒီအတွက် အပြောအဆိုပြေပြစ်သော၊

လိမ္မာပါးနပ်သောဝန်ထမ်းများကို တာဝန်ချထားရခြင်းဖြစ်ပါတယ်။

တတိယထပ်။ ။ Private Room လို့ခေါ်တဲ့သီးသန့်ခန်း(၂)ခန်း၊ပိုင်ရှင်သူဋ္ဌေး၏ရုံးခန်းနှင့် သန့်စင်ခန်းတို့ထားရှိသောအထပ်ပါ။ နိုင်ငံခြားသံတမန်များ၊အစိုးရအရာရှိများ

နာမည်ကြီးအနုပညာသည်များဟာသူတို့ကိုလူမြင်ခံလေ့မရှိပါဘူး၊

အဲဒီလိုအခါမျိုးမှာ သီးသန့်ခန်းကိုအသုံးပြုပြီး

အေးအေးဆေးဆေးညစာစားခြင်းဖြင့် အနားယူတတ်ကြပါတယ်။ တချို့ကလည်းသီးသန့်ခန်းထဲမှာ မွေးနေ့ပွဲများ၊အပျိုည၊လူပျိုညများကို ဆင်နွှဲကြပါတယ်။ ရုံးခန်းထဲမှာတော့ကျမတို့ရဲ့သူဋ္ဌေးဟာ တဆိုင်းလုံးကိုမြင်နိုင်တဲ့ ကင်မရာ(၁၆)လုံးရဲ့

ရှေ့မှာထိုင်ပြီး အလုပ်ရှုပ်နေတတ်ပါတယ်။

စတုတ္ထထပ်။ ။ ဆေးလိပ်သောက်ခွင့်ရှိသောအထပ်ပါ၊အပေါ်ဆုံးထပ်ဖြစ်ပြီး လူကြိုက်များသောအထပ်လည်းဖြစ်ပါတယ်။ ပင်လယ်ပြင်ကြီးကိုမျက်နှာမူပြီးဆောက်လုပ်ထားသောဆိုင်ဖြစ်သည့်အတွက် ပင်လယ်ရှုခင်းအလှများကိုမြင်ရခြင်းကြောင့် ပြတင်းပေါက်နှင့်နီးသောစားပွဲများမှာ

အမြဲတန်းလိုလို လူပြည့်နေတတ်ပါတယ်။ဧည့်သည်များဟာ အနောက်တိုင်းဝတ်စုံအပြည့်အစုံဝတ်မှသာလျှင် အပေါ်ဆုံးထပ်မှာထိုင်ခွင့်ရှိပါတယ်။

လူတန်းစားခွဲခြားပြီးပြောရမည်ဆိုလျှင် Executive Lounge(အထက်တန်းအလွှာ)ဂုဏ်သရေရှိလူကြီးမင်းများအတွက် သီးသန့်ဖြစ်ပါတယ်။

အသက်(၁၅)နှစ်အောက်ကလေးများ လုံးဝတက်ခွင့်မရှိပါ။ ကျမတို့ဆိုင်ဟာ နိုင်ငံခြားသားအများဆုံးလာရောက်သောဆိုင်ဖြစ်သည့်အတွက် ဧည့်သည်များဟာ အလွန်အမေးအမြန်ထူပါတယ်၊တရုတ်နိုင်ငံအကြောင်း၊ လူမျိုးအကြောင်း၊

ယဉ်ကျေးမှုအကြောင်းများကို မေးလေ့မေးထရှိသည့်အတွက် ဤအထပ်မှဝန်ထမ်းများဟာအင်္ဂလိပ်စကားပြောကြွမ်းကျင်သူ၊ဗဟုသုတပြည့်ဝသူများဖြစ်ရပါမယ်။

အခုဆိုရင် မြန်မာ(Burmese)ဆိုတဲ့ ကျမတို့ဝန်ထမ်းများရှိနေသည့်အတွက်

မြန်မာပြည်အကြောင်း လက်မလည်ရအောင်ပြောနေရပါတယ်။ တရုတ်မပုံစံမပေါက်တဲ့
ကျမတို့မြန်မာမတွေကိုကြည့်ပြီး "Are you Chinese"လို့မေးတဲ့အခါမျိုးမှာ ကျမတို့က
မြန်မာလူမျိုးဖြစ်ကြောင်းပြန်ပြောတိုင်း၊သူတို့စိတ်ဝင်စားတဲ့မြန်မာပြည်အကြောင်းလက်မ

လည်အောင်ပြောပြရတော့တာပါပဲ။ Cyprus က ကျမနေတဲ့မြို့လေးမှာတော့

ကျမတို့ဆိုင်ဟာ နာမည်ကြီးပါတယ်။ ကျမကတော့ဤဆိုင်ကြီးမှာအလုပ်လုပ်ရတာ

ပျော်ပါတယ်။ တချိုကဧည့်သည်အတော်များများဟာ ကျမတို့ဆိုင်ကို လာနေကျမို့

လုပ်သက်(၅)နှစ်ကျော်ရှိပြီဖြစ်တဲ့ ကျမနဲ့ အတော်ကိုရင်းနှီးနေပါပြီ။ မိဘမရှိတော့တဲ့

ကျမအတွက်ဆိုင်ကိုလာနေကျ ဧည့်သည်တွေဟာ ကျမရဲ့မိဘတွေလိုပါပဲ။ သူတို့ဆီက ဗဟုသုတတွေ၊ဆုံးမစကားတွေ၊အသိပညာတွေကိုကျမရယူခဲ့ရတယ်။အဲဒီထဲကမှ

ကျမကို သိပ်ခင်တဲ့မိတ်ဆွေတချို့နဲ့ အားတဲ့အချိန်တွေမှာ ဧည့်ခံစကားပြောရင်း

ဗဟုသုတတွေရခဲ့ရတယ်။ သူတို့ပြောခဲ့တဲ့စကားအချို့နဲ့အတူ သူတို့ရဲ့ဓာတ်ပုံ

တချို့ကိုဖော်ပြရင်း စာဖတ်သူတို့နဲ့မိတ်ဆက်ပေးလိုက်ပါတယ်....။

Mr.&Mrs.Gary။ ။ “နဂစ်”ဖြစ်တုန်းက အလှူငွေတွေထည့်ပြီး လူတွေ့တိုင်းမြန်မာပြည်အကြောင်းနဲ့ လူ့အခွင့်အရေးအကြောင်းတွေကို ရေပက်မဝင်အောင် အမြဲပြောတတ်ပြီး မြန်မာပြည်သူ/ပြည်သားတွေကို

သနားနေတဲ့ Mr.&Mrs.Gary တို့လင်မယား။

Mr.Steve&Mrs.Sandra။ ။ ဘဝမှာကိုယ့်ရဲ့လက်တွဲဖော်ဟာ

ကိုယ်နဲ့တန်းတူမဟုတ်ရင်တောင် နည်းနည်းနိမ့်သူ(သို့)

နည်းနည်းမြင့်သူပဲဖြစ်ရမယ်။ တွေးခေါ်ပုံခြင်း၊စဉ်းစားဥာဏ်

သိပ်ကွာသွားရင်အဆင်မပြေနိုင်ဘူး။

Mr.&Mrs.Harley။ ။အရက်မူးပြေချင်ရင် ကော်ဖီပျင်းပျင်း တခွက်သာသောက်လိုက်၊ အမူးပြေသွားလိမ့်မဒါပေမဲ့ ဘဝမူးသွားရင်တော့ ကော်ဖီပျင်းပျင်းတခွက်က

မင်းကိုကယ်နိုင်မှာ မဟုတ်ဘူး၊ ဘဝတော့မမူးစေနဲ့။

ဆိုင်ကမန်နေဂျာမနှင့်သူ၏အမျိုးသား။ ။ဘဝမှာ

ဆုံးဖြတ်ချက်လေး တချက်မှားလိုက်တာနဲ့ လူမှုရေး၊စီးပွားရေး၊

အိမ်ထောင်ရေး၊အားလုံး

နဲ့ဘဝတခုလုံးဟာ ပြောင်းပြန်ဖြစ်သွားနိုင်တယ်၊လို့သူတို့ဘဝရဲ့

ဖြစ်စဉ်ကိုပြောပြပြီး သတိပေးခဲ့တယ်။

Mr.Jeff&Mrs.Dod။ ။တတ်နိုင်သလောက်ဘဝကို ပျော်ရွှင်စွာနဲ့“စ”ပြီးပျော်ရွှင်စွာနဲ့ပဲအဆုံးသတ်နိုင်အောင်ကြိုးစားပါ။ ငွေဆိုတာအလကား၊ကျန်းမာခြင်းကိုသာ

မက်မောတဲ့ သူ့ရဲ့နှလုံးကို စက်အစားထိုးပြီးအသက်ရှင်နေရသောJeff.

Mr.&Mrs.Tony

။။။သိပ်မစဉ်းစားနဲ့၊မင်းရဲ့အနာဂတ်ကိုမင်းပိုင်တယ်။

ကိုယ်ဖြစ်ချင်သာကိုဖြစ်အောင်သာလုပ်လိုက်။ ဘဝမှာမမှားဖူးတဲ့သူဆို

တာမရှိဘူး၊အမှားရှိမှအမှန်ကိုရှာဖွေတွေ့ရှိနိုင်မှာ၊
မှားခဲ့ပေမဲ့လည်း မင်းလုပ်ချင်တာလုပ်ခဲ့ရတဲ့အတွက်

အရှုံးထဲကအမြတ်ပဲပေါ့။

Mr.&Mrs.Charles။ ။ What is the meaning of B.U.R.M.A လို့ ဥာဏ်စမ်းထုတ်ရင်း စိတ်ညစ်နေတဲ့ကျမရဲ့အာရုံတွေကို

ပြောင်းပေးခဲ့တဲ့ Mr.Charles

Mr.James&Mrs.Com။ ။အချစ်စစ်မှာ အသက်ကြီးတယ်

ငယ်တယ်ဆိုတာမရှိဘူး။တဦးကိုတဦးခွင့်လွှတ်နားလည်ပြီး

အပေးအယူမျှတဖို့ပဲလိုတယ်၊ဦးလေးရဲ့

အမျိုးသမီးဟာဦးလေးထက်

အသက်(၁၂)နှစ်ကြီးတယ်။

ဒါပေမဲ့အခုအချိန်ထိ တို့တွေသိပ်ချစ်ကြတယ်။

ကျမရဲ့အသိဥာဏ်ထဲကို ရောက်လာတဲ့ရင့်ကျက်တဲ့အတွေးအခေါ်တွေဟာ

ကျမမသင်ယူပဲ လိုက်မရှာပဲ ကျမဘဝအတွက်

တန်ဖိုးမဖြတ်နိုင်တဲ့ “ခင်ရာဆွေမျိုး”တွေကပေးတဲ့

အကျိုးအမြတ်တွေပဲမဟုတ်ပါလား။

Posted in: ဆောင်းပါး