မြစ်နှင့်တူသော တိုင်းပြည်များ

စည်းကမ်းဆိုတဲ့ မြစ်ကြီးထဲမှာ ပြည်သူတွေဟာ မျောပါကြရတယ်..
စည်းကမ်းရှိတဲ့တိုင်းပြည်မှာနေရင် အဲဒီတိုင်းပြည်ရဲ့စည်းကမ်းမြစ်ထဲမှာ မျောပါပြီး လူတွေဟာ စည်းကမ်းရှိ သွားကြတယ်..။

စည်းကမ်းမရှိတဲ့တိုင်းပြည်မှာနေရင် အဲဒီတိုင်းပြည်ရဲ့စည်းကမ်းမရှိမှုတွေကြားထဲမှာ မျောပါပြီး လူတွေဟာ စည်းကမ်းမဲ့ကြတယ်..။
စည်းကမ်းမရှိရင်တော့ တိုးတက်မှုတွေ နှောင့်နှေးလိမ့်မယ်။


ကျမတို့တွေကရော..
ဘယ်လိုတိုင်းပြည်ရဲ့မြစ်မျိုးမှာ မျောပါနေကြပါသလဲ??????

Read more »

မိန်းမ

"နှာခေါင်းမပါရင် ချီးတောင်စားတယ်"ဆိုတဲ့အထဲမှာ
မိန်းမတွေ မပါစေနဲ့ ... ။

ကျောသပ် ရင်သပ် နှစ်သိမ့်ပြီး အသိမ်းသွင်းခံထဲမှာ
မိန်းမတွေ မပါစေနဲ့ ..... ။

အလကားမတ်တင်း Freeရတယ်ဆိုတဲ့
အထဲမှာ မိန်းမတွေမပါစေနဲ့ ....။

သစ္စာမေတ္တာဆိုတာ ရွှေမန်းတင်မောင်ဇာတ်ထဲမှာပဲရှိတယ် ....။

“မိန်းမ”ဆိုတဲ့ကိုယ့်တန်ဖိုးကို ကိုယ်က မမြှင့်ရင် ဘယ်သူကမြှင့်မှာတဲ့လဲ.... ။

.....................
ရှေးရိုးထုံးတန်းအစဉ်အလာအရ မြန်မာမိန်းခလေးတစ်ယောက်ကို လက်ထပ်ထိမ်းမြှားဖို့ သတို့သားဖက်က ငှက်ပျောပွဲ အုန်းပွဲများနဲ့ မိဘစုံရာရှေ့မှာ သွားရောက်တောင်းယူရတဲ့ဓလေ့ကိုကြည့်ခြင်းအားဖြင့် “မိန်းမတစ်ယောက်ရဲ့တန်ဖိုး”ကို သိမြင်နိုင်ပါတယ်။

Read more »

ရက်စက်သူ

“ကမ်းစပ်နဲ့ရေလှိုင်း”ဆိုတာ ခွဲမရတဲ့အရာနှစ်ခုလို့လူတွေကပြောကြတယ်..
လှိုင်းပုတ်ခတ်လို့ ကမ်းစပ် ရင်ကွဲရတယ်..ဟဲ့

ကျမကတော့ လှိုင်းလေးတွေကိုသနားနေမိတယ်..
လှိုင်းလေးတွေက ကမ်းစပ်ဆီကို ပြေးလာပေမယ့်
ကမ်းစပ်က လှိုင်းလေးတွေကို လက်မခံပါဘူး..

အဲဒီတော့ လှိုင်းလေးတွေဟာ
ကမ်းစပ်နဲ့ဆန့်ကျင်ဖက် ပင်လယ်ဆီကို ခေါင်းငုံ့ပြီးပြန်သွားကြရတယ်..

ကမ်းစပ်နဲ့လှိုင်း
ဘယ်သူက ရက်စက်သူလဲဆိုတာ..
အဖြေရှာရင် အသည်းမာသူ ကမ်းစပ်ပါပဲ..

တစ်ကယ်တော့ လှိုင်းလေးတွေဟာ သနားစရာကောင်းပါတယ်..

Read more »

ခရေချစ်သူ..သို့

တစ်ကယ်ဆို..
အဲဒီလိုမဖြစ်သင့်ဘူးကွယ်..

ခရေ.. ဆိုတိုင်း
အကြွေပန်းရယ်လို့ မချိုးနှိမ်ကြပါနဲ့

သူ့ရနံ့
သူ့အဆင်း
သူ့သတင်းက..
တော်ဝင်သဇင်တောင် ဦးညွတ်နိုင်ပါရဲ့..

အဖွဲ့အနွဲ့တွေမပါလည်း သင်းတာ ခရေ 
နွမ်းခြောက်သွားလည်း ရနံ့မပျယ်တာခရေ...

ခရေ...
ကျမရင်မှာ
ရှင်.. ထာဝရရှိတယ်...

(၆.၆.၂၀၁၃)

Read more »

““လုပ်လိုက်ရင် တလွဲ””””

“ဆိုက်ပရပ်စ်”ဆိုတဲ့ကျွန်းနိုင်ငံလေးတစ်ခုမှာ (၉)နှစ်ကြာအလုပ်သွားလုပ်ပြီး အမိမြန်မာပြည်ကို ပြန်လာခဲ့တဲ့ကျမ တိုးတက်ပြောင်းလဲသွားတဲ့အခြေအနေတွေကို မြင်တွေ့ပြီး အရမ်းကို အားရဝမ်းသာခဲ့ပါတယ်။

စူပါမားကက်ကြီးတွေဆိုလည်း အကြီးကြီး..၊
ကားတွေဆိုလည်း အရင်ကထက်ပိုများလာတယ်..၊
Auto Gear တွေနဲ့ဆိုတော့ ကားတွေကြားထဲ ပြိုင်ကားမောင်းသလို ရွှတ်ကနဲ ရွှတ်ကနဲပဲ..။Gameကစားနေသလား အောင့်မေ့ရတယ်။

ကျောင်းတွေဆိုလည်း Private Schoolတွေမှ အများကြီးပဲ၊ အစိုးရကျောင်းနဲ့ Privateကျောင်း ဘာကွာသလဲလို့မေးကြည့်တော့ Privateကျောင်းတွေက နိုင်ငံခြားသားဆရာတွေပါတယ်တဲ့၊
အင်း.. ထားပါတော့.. မိဘဆိုတော့လည်း ကိုယ့်သား/သမီးတွေကို ပညာရေးမြင့်မားစေချင်မှာပေါ့..။
အ.မ.က/ အ.ထ.က ကျောင်းတွေကထွက်တဲ့ ပညာတတ်တွေလည်း အများကြီးရှိခဲ့ပါတယ်။

ကျမရောက်တဲ့အချိန်နဲ့ တပ်မတော်ပြခန်းမှာ ပြသတဲ့ ITပြပွဲနဲ့တိုးပါတယ်။
ကွန်ပျူတာနည်းပညာတွေများ တိုးတက်လာလိုက်ကြတာ..၊ အံ့မခန်းပါပဲ၊ ကျမ ကွန်ပျူတာနဲ့ပတ်သက်ရင် အရမ်းတုံးပါတယ်။
အဲဒီပြပွဲထဲက နည်းပညာတွေကိုကြည့်ပြီး ကျမ မူးသွားတယ်။ လေးစားပါတယ် ITပညာရှင်များရှင်..။

စားသောက်ဆိုင်တွေဆိုလည်း အများကြီးပဲ၊ သူ့ဈေးနဲ့သူပေါ့၊ အနောက်တိုင်းအစားအစာ၊ အရှေ့တိုင်းအစားအစာ၊ အစုံရတယ်၊
ဈေးနှုန်းလေးတွေကလည်း မဆိုးရှာပါဘူး။

Private ဆေးရုံတွေဆိုလည်း အများကြီးပဲ၊ ကျမက ချူချာတော့ ဆေးခန်းနဲ့အိမ် အိမ်ဦးနဲ့ကြမ်းပြင်လိုပါပဲ၊ အဲဒါကြောင့် ဘယ်နေရာရောက်ရောက် ဆေးခန်းရှိတဲ့နေရာကို အမြဲရှာထားရတယ်။

အဲဒီလိုနဲ့ ကျမ Shopping Mall တစ်ခုကို ရောက်ခဲ့ပါတယ်၊
ဝယ်စရာရှိတာတွေ ဝယ်ပါတယ်၊ တစ်ချို့ဆိုင်သေးလေးတွေက ဝယ်ပြီးတာနဲ့ ပိုက်ဆံရှင်းရပါတယ်၊ အဲဒီမှာ “စ”တာ..း(
လက်သည်းဖျက်ဆေးနဲ့ဂွမ်းဝယ်တော့ ကျမမှာရှိတဲ့ပိုက်ဆံ(အရွက်သေး)တွေကို ရေတွက်ရာမှာ ပေးခြေရမယ့်ငွေပမာနထဲမှ ၃၀၀လိုနေပါတယ်၊ ၅၀၀၀တန်ပေးတော့ အရောင်းစာရေးမလေးက မယူပါဘူး။
ကျမမှာရှိတဲ့အရွက်သေးတွေကိုပဲ ၃၀၀လျှော့ပြီးယူလိုက်ပါတယ်။
ကျမကို ၃၀၀လျှော့ပေးလိုက်တာပါ။

အဲဒီလိုနဲ့ နောက်တစ်ဆိုင်မှာ ပစ္စည်းတစ်ခုဝယ်တော့ ၁၅၂၅၀ကျပ်ကျပါတယ်၊
အရှက်က အဲဒီမှာကွဲတာ..း(

လွန်ခဲ့တဲ့ ၉နှစ်က ဆိုက်ပရပ်စ်ကိုမသွားခင် ကျမရဲ့အဝတ်အစားတချို့နဲ့မြန်မာပိုက်ဆံတစ်ချို့ကို အိမ်ကဘီဒိုထဲမှာ ထားခဲ့ပါတယ်။
အခု ဆိုက်ပရပ်စ်က ပြန်လာတော့ အဲဒီပိုက်ဆံလေးတွေကို သုံးဖို့ ယူလာခဲ့ပါတယ်။
၅ကျပ်တန်၊ ၄၅ကျပ်တန်၊ ၅၀ကျပ်တန်၊ ၁၀၀ကျပ်၊ ၂၀၀ကျပ်၊ ၅၀၀ကျပ်၊ အဲဒီပိုက်ဆံလေးတွေထဲက ကျမပေးရမယ့်ငွေ ၁၅၂၅၀ကျပ်အတွက် =၅၀၀၀ကျပ်(၃ရွက်)+၂၀၀ကျပ်+၄၅ကျပ်+၅ကျပ်ကို ပေးလိုက်တော့ အရောင်းဝန်ထမ်းမိန်းခလေးနှစ်ယောက်က တစ်ယောက်မျက်နှာတစ်ယောက်ကြည့်ပြီး ကျမကို အံ့သြစွာပြန်ကြည့်ပါတယ်။
ကျမလည်း စိုးရိမ်သွားတာပေါ့နော်၊ ပိုက်ဆံများလိုလို့လားပေါ့..။
ပထမတစ်ခါတုန်းက သူတို့အမ်းစရာမရှိလို့ ဒီတစ်ခါတော့ အတိအကျပေးလိုက်တာ။

““ညီမလေး.. ပိုက်ဆံလိုလို့လားဟင်”””လို့မေးလိုက်တော့
“““အစ်မ.. ၄၅ကျပ်တန်က သုံးလို့မရတော့ဘူး၊ ၅ကျပ်တန်က ရှိတောင်မရှိတော့ဘူး”””တဲ့..
အဲဒီမှာတင်..
ဈေးလာဝယ်ကြတဲ့သူတွေက ကျမကို ကျောက်ခေတ်က လူတစ်ယောက်လို ဝိုင်းပြီးကြည့်ကြပါတော့တယ်...


ကျမကလည်းကျမပါပဲလေ...
လုပ်လိုက်ရင် တလွဲ....
ကဲ...


ရွှင်လန်းချမ်းမြေ့ကြပါစေရှင်...း)

Read more »

ကျမရဲ့ပေးစာနဲ့သူတို့ဆီကပြန်စာ

 Sorry for late information.
Just I got the internet line.

I prepare my wedding at
Summit Parkview Hotel on next month.

Now I printing my wedding invitation cards and
 will get end of this month.
I will send you soon.

Myanmar was not very hot as I thought . Now (28Cံ) .
Sometimes raining. Sometimes sunny. Nice weather for me.

Myanmar was better than  9 years before.
Many improvement , buildings, peoples, shopping malls, private schools, economy, technology, etc.,...
If we have money, we can buy everything in my country.
I was so proud of my country and very glad .
Happy to see that things.

Many cars on the roads because cheap to buy.
If you have 7000 EU you can buy fine car.
House was more expensive than car.

I will write you more information about my country..
I miss you All....
best wishes...with love

NanMaWa
.................................

Hi.. Nan
How nice to hear from you and to have the date of your forthcoming wedding.  We are going to Cyprus on 31st May for three weeks so we will be there on your wedding day. We will really miss seeing you at Chloe's; it will not be the same without you.

We do send you our very best wishes for your special day and I hope you will send us photographs when you have time.

With love

Jackie and Andy.

.................


Hello Nan
How lovely to hear from you. Many congratulations on your wedding, we know it will be a wonderful day. What a beautiful picture you sent us. We're so glad you managed to make a safe return to your country and its good to hear that Myanmar has had positive changes whilst you have been away. We see quite a few TV news reports about the improvements in Burma and hopefully that is a result of the fact that all the good and peaceful people of the world are supporting you. Between us we will make a difference. 28 degrees sounds pretty good to us. Here in England we have just endured the coldest winter on record and today, even though the sun is shining, the temperature is still only 13 degrees. We are holidaying in Cyprus again this September but somehow visits to our favourite restaurant will never be quite the same again. We will miss you.
You are in our thoughts
Kindest regards
Val and Chris Woodfield

.........................

Dear Nan

Many thanks for your email, very pleased to hear that you are safe and well, and happy in your country - your wedding venue looks very smart, we know you'll have a lovely day,

Take care,

Miss you and love you always, Beth and Dave xxxx

...............

Dear Nan,

Kate & I wish you all the best for the future, let us know when you are to be married. Safe journey and keep in contact. Thanks you for making our visits to Chloes so special.
All the best  Kate & John

....................
မှတ်ချက်။  ။ ကျမ မြန်မာနိုင်ငံ မကောင်းကြောင်းကို ဘယ်တော့မှမပြောဖူးပါ။
ဒီစာများက သက်သေဖြစ်ပါလိမ့်မယ်။

Read more »

ပြည်တော်ပြန်ရှင်းတမ်း

သူငယ်ချင်းများအားလုံး မင်္ဂလာပါရှင်..
ဆိုက်ပရပ်စ်နိုင်ငံမှာ (၉)နှစ်ကြာနေထိုင်လာခဲ့ပြီး အမိမြန်မာပြည်သို့ အပြီးပြန်လာခဲ့တဲ့ ကျမရဲ့ လမ်းခရီးအတွေ့အကြုံလေးကို ပြောပြမယ်နော်..

ကျမရဲ့ လေကြောင်းခရီးစဉ်ဟာ ဆိုက်ပရပ်စ်(Cyprus)မှ Amman ၊ Amman မှ Thailand ၊
Thailand မှ Myanmar ဆိုပြီး လေယာဉ် သုံးဆင့်စီးရပါတယ်၊
ခရီးအစမှ အဆုံးအထိ လမ်းခရီးမှာ ကြာချိန် တစ်ရက်ခွဲ/နှစ်ရက်နီးပါ ကြာပါတယ်။

Air Lineကို Jordan Air Line ဖြစ်ပါတယ်၊
ဈေးလည်းပေါတယ်၊ ပြီးတော့ ၉နှစ်တာအတွင်း မြန်မာပြည်ကို နှစ်ခါအလည်ပြန်ခဲ့တုန်းကလည်း ဒီလေကြောင်းလိုင်းကိုပဲ အသုံးပြုခဲ့တဲ့အတွက် ကျမအတွက် လမ်းကြော အထာလေးတွေလည်းနပ်နေပြီမို့ ဒီလိုင်းကိုပဲ ရွေးဖြစ်ခဲ့ပါတယ်။

ပြဿနာက ခရီးအစကတည်းက ကျမကို ကြိုဆိုနေခဲ့ပါတယ်၊
LANACAလေဆိပ်မှာ ကျမရဲ့ပစ္စည်းတွေကို Weightချိန်တော့ ကီလို၃၂ ရပါတယ်၊ သူတို့ကလည်းခွင့်ပြုပါတယ်။
ပြဿနာက Hand Carry ပါ။
ကျမရဲ့ Hand Carryရယ်+ကွန်ပျူတာထည့်ထားတဲ့လွယ်အိတ်ရယ်+ အရေးကြီးစာရွက်စာတန်းတစ်ချို့နဲ့ပိုက်ဆံအိတ် ၊ အလှပြင်ပစ္စည်းတစ်ချို့ထည့်ထားတဲ့ လွယ်အိတ်ရယ် အားလုံးရဲ့အလေးချိန်ဟာ ၁၂ကီလိုကျော်နေတဲ့အတွက် ခွင့်မပြုပါဘူးတဲ့။
အဲဒီအတွက် Hand Carryကို ယူရို၁၀၀ အပိုပေးပြီး သယ်ခဲ့ရပါတယ်။

အဲဒါတွေပြီးပြန်တော့ ကျမရဲ့ သေတ္တာ(၃)လုံးရဲ့ဝန်ဆောင်မှုဟာ Thailand အထိပဲလို့ ပြောလာပြန်ပါတယ်။
အရင်နှစ်ခေါက် မြန်မာပြည်ကို ပြန်တုန်းက ခရီးအစမှ အဆုံးအထိ လေကြောင်းလိုင်းက တာဝန်ယူဆောင်ရွက်ပေးတဲ့အတွက် ကျမဖက်က ဘာမှလိုက်လုပ်စရာမလိုခဲ့ပါဘူး။

အခုတစ်ခါမှာတော့ ကျမရဲ့သေတ္တာသုံးလုံးကို Thailand မှာ ပြန်ထုတ်ပြီး မြန်မာပြည်ကိုသွားမယ့်လေယာဉ်ကို
ပြန်တင်ပေးရမယ်ဆိုတော့ ကျမအတွက် တော်တော်လေးကို စိတ်ရှုပ်ခဲ့ရပါတယ်။
လေယာဉ်လိုင်းက တာဝန်ရှိသူတွေနဲ့ အခြေအတင်ပြောခဲ့ပေမယ့် နောက်ဆုံးမရတဲ့အဆုံး လာမယ့်ဘေး ပြေးတွေ့လိုက်မယ်ဆိုပြီး လက်ခံခဲ့ရပါတယ်။
အဲဒါက ကျမဆိုက်ပရပ်စ်နိုင်ငံကနေ စထွက်တဲ့ အခက်အခဲ(၁)ပါ။

ဆိုက်ပရပ်စ်ကနေထွက်လာပြီး Amman ကိုရောက်ပါတယ်၊
LANACA>AMMAN>THAILAND>MYANMAR ဆိုတဲ့ လမ်းကြောင်းကိုရွေးရင် AMMAN မှာ တစ်ည အိပ်ကိုအိပ်ရပါတယ်၊ အဲဒီအတွက် လေကြောင်းလိုင်းက လေယာဉ်လက်မှတ်ဖြတ်ကတည်းက Include Hotel ပါပြီးသားပါ။
AMMAN HOTEL မှာ တစ်ညအိပ်ပြီး နောက်တစ်ရက်မှာ THAILAND ကိုသွားဖို့ လေယာဉ်နောက်ကျပါတယ်၊ ၁နာရီနောက်ကျပါတယ်။
ကျမ စိတ်တွေအတော်ညစ်ခဲ့ရပါတယ်၊ ကျမရဲ့ခရီးစဉ်ဟာ THAILAND မှာ ဂိတ်ဆုံးခဲ့မယ်ဆိုရင် ကျမအတွက် ပြဿနာမရှိပါဘူး။
အခုဟာက THAILAND ကနေ MYANMAR ကို ဆက်သွားရမှာမို့ လေယာဉ်တစ်စီးနောက်ကျရင် နောက်တစ်စီးကို မမှီမှာစိုးလို့ပါ။

THAILANDကိုရောက်ပြီး MYANMARကိုသွားမယ့်လေယာဉ်ထွက်ချိန်ကို ၄နာရီခြားထားပေးပါတယ်၊ သာမန်ဆိုရင်တော့ ကျမအတွက် Shopping ထွက်ဖို့အချိန်တောင် ပိုပါသေးတယ်။
အခု အခြေအနေက Thailandမှာ ကျမရဲ့သေတ္တာသုံးလုံးကို ပြန်ရွေးပြီး MYANMAR ကိုသွားမယ့်လေယာဉ်ပေါ်ကို ပြန်တင်ပေးရမယ်ဆိုတော့ ကျမအတွက် အတော်လေးကို ကသီမယ့်ကိစ္စမို့ပါ။

ပိုဆိုးတာက THAILANDလေဆိပ်ဟာ အကြီးကြီးပါ၊ လေကြောင်းလိုင်းတွေကလည်း အပေါ်တက်လိုက် အောက်ဆင်းလိုက်နဲ့ဆိုတော့ ကျမအနေနဲ့ သေတ္တာသုံးလုံးနဲ့ ဘယ်လိုမှ မဖြစ်နိုင်ပါဘူး။
အဲဒီမှာတင် ကျမ အတော်လေးကို စိတ်ပျက်နေပါပြီ။

AMMANက ထွက်လာတဲ့ လေယာဉ်ပေါ်မှာ ကျမစိတ်ပျက်စွာနဲ့ လိုက်ပါလာရင်း တွေးနေမိတဲ့ အတွေးလေးပေါ့။
အဲဒီလိုနဲ့ THAILANDကိုရောက်တော့ လေယာဉ်အပေါက်ဝမှာရပ်နေကြတဲ့ “ဆဝါဒီခပ်”မ ချောချောလေးတွေနဲ့ စတွေ့ပါတယ်၊
သူလည်း“ဆဝါဒီခပ်” ..၊ ကိုယ်လည်း အချိုဆုံးအပြုံးနဲ့“ဆဝါဒီခပ်”လိုက်ပါတယ်..။

“ကျမကို တစ်ခုလောက်ကူညီပါလား”ဆိုတော့..
သူတို့က အပြုံးလေးတွေနဲ့ ကူညီဖို့ စမေးလာပါတယ်..
ကျမကလည်း ကျမမှာ သေတ္တာသုံးလုံး လေယာဉ်ဝမ်းဗိုက်ထဲမှာ ပါလာတဲ့အကြောင်း၊ JORDAN AIR LINE က ဝန်ဆောင်မှုကို THAILAND အထိပဲ ပေးကြောင်း၊ THAILANDကနေ MYANMAR ကို သွားမယ့်လေကြောင်းလိုင်းကို ချိတ်ဖို့ ကူညီပေးစေလိုကြောင်း ပြောပြတော့ သူတို့က ကျမဆီက စာရွက်စာတန်းတွေကို တောင်းကြည့်ပြီး သူတို့လက်ထဲမှာ ကိုင်ထားတဲ့ ဆက်သွယ်ရေးဖုန်းတွေနဲ့ “ခပ်”ကြပါတယ်..

၁၀မိနစ်လောက်ကြာတော့ ကျမရဲ့သေတ္တာသုံးလုံးကို သူတို့အစီအစဉ်နဲ့ MYANMAR ကိုသွားမယ့် လေယာဉ်ပေါ်ကို ပို့ပေးမယ်လို့ပြောပါတယ်၊
ကျမလေ.. ဘယ်လိုပျော်သွားမှန်းကို မသိပါဘူး။
သူတို့ကို နှုတ်ဆက်ပြီး THAI AIRWAY ကောင်တာရှိရာနေရာကို ရောက်ဖို့ အပေါ်တက်လိုက် အောက်ဆင်းလိုက်နဲ့ THAILAND AIRPORTအကြီးကြီးထဲမှာ ၁၀မိနစ်လောက် လမ်းလျှောက်ရင်း သွားခဲ့ရပါတယ်၊ ကောင်တာကိုရောက်တဲ့အချိန်မှာ ထုံးစံအတိုင်း ကျမရဲ့ပြဿနာကို အစမှ အဆုံး ပြန်ပြောပြရင်း ပြန်ချိတ်ရပါတယ်။
သူတို့အချင်းချင်း ချိတ်ဆက်ပြီးသားဆိုတော့ သိပြီးသားကိစ္စမို့ ကျမရဲ့သေတ္တာသုံးလုံး THai air way လေယာဉ်ပေါ်ကိုရောက်ဖို့ ၄၅မိနစ် စောင့်ခိုင်းပါတယ်။

အဲဒီမှာ ထပ်ငြိတာက ကီလိုပို ကိစ္စပါ..။
သူတို့က သေတ္တာနှစ်လုံးစာ ၃၂ကီလို အတွက် ခွင့်ပြုပေမယ့် ဆိုက်ပရပ်စ်မှာ အပိုငွေ ယူရို ၁၀၀ပေးဆောင်ခဲ့ရတဲ့ သေတ္တာအတွက် ယူရို၁၂၀ထပ်ပေးဖို့ပြောလာပါတယ်။
မပေးလို့မှမရပဲလေ.. ပေးရတာပေါ့။
အဲဒီသေတ္တာအတွက် စုစုပေါင်းကုန်ကျငွေ ယူရို ၂၂၀ဖြစ်သွားပါတယ်။

နောက်ဆုံးအဆင်ပြေသွားပြီဆိုတော့ THAI AIR WAYရှိရာ ဂိတ်ကို ခပ်သုတ်သုတ်လေးသွားခဲ့ရပါတယ်၊
ဂိတ်ကို ရောက်ဖို့ မိနစ်၂၀ကျော်လောက်ကြာမယ်ထင်ပါတယ်။
အဲဒီဂိတ်ကို သွားရာလမ်းတစ်လျှောက်မှာ
တခြားလေကြောင်းလိုင်းတွေဆီက လေယာဉ်ထွက်တော့မှာမို့ သက်ဆိုင်ရာဧည့်သည်များ ဂိတ်ရှိရာကို အမြန်လာဖို့မိုက်နဲ့ခေါ်နေတဲ့ အသံတွေကလည်း ခဏခဏပါပဲ၊
အဲဒီလို ခေါ်နေတဲ့ထဲမှာ ကျမနားဆွင့်မိတာက“ To MYANMAR ”ဆိုတာ ပါလာတယ်၊ “Final call” ဆိုတာ ပါလာတယ်..။
ကျမကလည်း MYANMARကိုသွားမှာဆိုတော့ အရမ်းကို စိုးရိမ်သွားတယ်။
တစ်ခုသတိထားမိတာက ဂိတ်နံပါတ်မတူဘူးဆိုတာ သတိထားမိနေပေမယ့်လည်း စိုးရိမ်စိတ်တွေလွန်ကဲပြီး လူကထူပူနေပြီလေ။
ကျမရဲ့လေယာဉ်အချိန်ကလည်းနီးနေပြီ၊ ပိုဆိုးတာက THAI AIR WAYကောင်တာက “ခပ်ပွန်ခပ်”လေးက ကောင်တာဖွင့်နေပြီ၊ အမြန်သွားလို့ပြောလိုက်တာကိုး..။

အဲဒီလိုနဲ့ ကျမစီးရမယ့် လေယာဉ်ဂိတ်လည်းရောက်ရော၊ ဂိတ်မှာ (ကောင်တာမှာ) လေယာဉ်မယ်တစ်ယောက်ပဲရှိတော့တယ်၊ ခရီးသည်တွေလည်းမရှိဘူး၊
ကောင်တာက အောက်ထပ်မှာ၊ ကျမရပ်နေတဲ့နေရာကနေ ကောင်တာကို ရောက်ဖို့ လေခါးနဲ့ဆင်းရတယ်၊
ကျမလည်း ခပ်သုတ်သုတ်လေးဆင်းသွားလိုက်တော့ လေယာဉ်မယ်က “Go back.. go back.. stay there” လို့ပြောပါတယ်။
ကျမရဲ့စိတ်ထဲမှာ “သွားပြီ.. လေယာဉ်ထွက်တော့မှာမို့ ကောင်တာပိတ်သွားပြီ၊ လေယာဉ်မမှီတော့ဘူး”ဆိုပြီး အရမ်းစိတ်ပူသွားတာပေါ့။

အဲဒါနဲ့ပဲ ဘေးဖက်တခြားကောင်တာက လေယာဉ်မယ်တွေကို မေးတော့မှ ဂိတ်မဖွင့်သေးတဲ့အကြောင်း၊ နောက်၅မိနစ်နေရင်ဖွင့်တော့မယ်ဆိုတဲ့အကြောင်းသိရပါတယ်။
အဲဒီတော့မှပဲ စောနေတဲ့စိတ်တွေ၊ ပူနေတဲ့စိတ်တွေ၊ လျှော့ချလိုက်တာ ချွေးတွေက တစ်ကိုယ်လုံးကိုရွှဲရွှဲနစ်သွားခဲ့ရပါတယ်။


အဲဒါတွေပြီးပြန်တော့ လေယာဉ်ပေါ်ရောက်ပြီး လေယာဉ်ထွက်ဖို့ မိနစ်၃၀ ထပ်နောက်ကျပြန်ပါတယ်၊ ဒါပေမယ့် ကိစ္စမရှိတော့ပါဘူး၊ ဂိတ်ဆုံးမြန်မာပြည်ကို သွားတဲ့လေယာဉ်မို့ စိတ်ပူစရာမရှိတော့ပါဘူး၊ အဲဒီလိုနဲ့ပဲ ကျမလေ..
မြန်မာပြည်ကို လုံးလည်ပတ်ခြာလိုက်ပြီး ပြန်ရောက်ခဲ့ရပါတယ်ရှင်..


...............
မြန်မာပြည်လေဆိပ်ရောက်တော့ ၉နှစ်တာ ကာလအတွင်း ပြောင်းလဲသွားလိုက်တဲ့ ဝန်ဆောင်မှုတွေ..
လူဝင်မှုကြီးကြပ်ရေးကလည်း ဘာမှမရစ်..
ဘာမှမတောင်း..
အကောက်ခွန်လား..
မျက်နှာလေးတွေက ပြုံးလို့ရွှင်လို့..
စကားပြောလည်း ချိုသာကြတယ်..
အရင်လို ရစ်တာတွေ ညှစ်တာတွေ လုံးဝမရှိတော့ပါဘူး..
အားလုံး သူ့အလုပ်သူလုပ်နေကြတာ.. လေးစားစရာပါ..
မြန်မပြည်လေဆိပ်က ဝန်ထမ်းများအားလုံးကို လေးစားကြောင်းနဲ့ ကျေးဇူးတင်ကြောင်း ဒီနေရာကနေ ပြောပြပါရစေ..
.....................
ကျမ မကျေနပ်တာက မြန်မာတွေရဲ့ မပြောင်းလဲသေးတဲ့စိတ်ဓာတ်တစ်ခုကိုပါ..

THAILAND လေဆိပ်မှာ ကျမ လေယာဉ်နောက်ကျပြီဆိုပြီး ဗျာများနေတဲ့အချိန်၊ ကောင်တာ ပိတ်ပြီ လေယာဉ်မမှီတော့ဘူးဆိုပြီး ပြာယာခတ်နေတဲ့အချိန်မှာ ကျမနဲ့လေယာဉ်တစ်စီးထဲလိုက်ပါမယ့်မြန်မာတွေဟာ အဲဒီဂိတ်မှာ ရှိနေကြပါတယ်၊ အဖွဲ့အစည်းတစ်ခုက  လူတွေလည်းပါပါတယ်(ဝတ်စုံတူတွေနဲ့ပါ)၊
ကျမရဲ့လက်ထဲမှာ မြန်မာပါ့စ်ပို့အနီရောင်ကို ကိုင်ထားပါလျှက် ..
လေယာဉ်တစ်စီးထဲ ခရီးအတူသွားမယ်ဆိုတာ သိပါလျှက်..
ပြာယာခတ်နေတဲ့ မိန်းခလေးတစ်ယောက်ကို မျောက်ပွဲကြည့်သလို ကြည့်နေကြတဲ့ မြင်ကွင်းကတော့ သိပ်ကို ရုပ်ဆိုးအကြည်းတန်လှပါတယ်..
တစ်ကယ်ဆိုရင်..
ပြာယာခတ်နေတဲ့ကျမဟာ မြန်မာပဲဖြစ်ဖြစ်၊ နိုင်ငံခြားသားပဲဖြစ်ဖြစ် ဂိတ်ချင်းတူနေတာကိုကြည့်ခြင်းအားဖြင့် တစ်ခရီးထဲသွားမယ့်သူဆိုတာ ပေါ်လွင်လှပါတယ်..
အနည်းဆုံး “ဂိတ်မဖွင့်သေးဘူး”ဆိုတဲ့အကြောင်းလောက်လောက်တော့ ပြောပြသင့်တာပေါ့ရှင်..

အဲဒီအပြုအမူလေးကိုတော့ ကျမ ရှုတ်ချပါတယ်..
“မြန်မာဆိုတာ ယဉ်ကျေးသိမ်မွေ့ပြီး ရိုင်းပင်းကူညီတတ်တဲ့သူ”လို့ ဆိုရိုးစကားရှိပါတယ်..
အခုအဖြစ်အပျက်မှာ စာဖတ်သူတွေအနေနဲ့ ဘယ်လိုကောက်ချက်ချကြမယ်ဆိုတာ ကျမသိချင်ပါတယ်..။
တော်တော်ရုပ်ဆိုးပါတယ်..း(
မြန်မာအချင်းချင်း ရိုင်းပင်းကူညီမှု လုံးဝမရှိဘူး..
ကြည့်ရတာ သင်္ဘောသားအုပ်စုလည်း ဖြစ်နိုင်ပါတယ်၊ (သင်္ဘောသားအုပ်စုဆိုတာ သင်္ဘောလိုက်ပြီး ပြန်လာတဲ့အုပ်စုမျိုးကို ပြောတာမဟုတ်ပါဘူး၊
မြန်မာပြည်ကနေ လေ့လာရေးအဖွဲ့လိုက်ထွက်တဲ့အုပ်စုကို ဆိုလိုတာပါ)
ကုမ္ပဏီအုပ်စုလည်း ဖြစ်နိုင်ပါတယ်..
ဝတ်စုံတူညီတွေနဲ့..။

လေယာဉ်ပေါ်ရောက်တော့ စောင်းပြီး ပြောနေကြသေးတယ်..
ခုံနေရာက အရှေ့နောက် ထိုင်ကြတာကိုး..
“သူက VIPလားမသိဘူး၊ မုန့်အရင်ရတယ်..”တို့..
“သူက ခုံနှစ်ခုံဝယ်ထားတာလားမသိဘူး.. ဘေးခုံးမှာ ဘယ်သူမှမရှိဘူး..”တို့..
အဲဒီလိုတွေ မကြားတကြားပြောနေကြတယ်..
အဲဒီစိတ်ဓာတ်တွေ ဘာလို့ မပြောင်းကြသေးတာလည်းမသိဘူး..

လူတွေကြည့်တော့ ပညာတတ် နိုင်ငံခြားတွေတောင် ရောက်နေကြပြီ..
စိတ်ဓာတ်က မိန်းခလေးမြင်ရင် ရိချင်နေသေးတယ်.. ခက်တယ်..

မည်သို့ပင်ဆိုစေကာမူ...
ကျမ ..
အမိမြန်မာပြည်သို့ ပြည်လည်ရောက်ိရှိခဲ့ပါပြီ..

စာဖတ်သူများအားလုံးကို အစဉ်လေးစားလျှက်..
နမ်းမဝ(အဖြူရောင်နတ်သမီး)

Read more »