ကျမရဲ့ လတ်တလောအခြေအနေ၊ ပလာတာ(Platter)နှင့် ကိုကိုးအိမ်မွေးနေ့

မကြာသေးမီကမှ ကျမနဲ့ခင်မင်ခဲ့သော မိတ်ဆွေတယောက်က မရည်ရွယ်ပဲပြောခဲ့တဲ့စကားလေးတခွန်းဟာ ကျမရဲ့နားထဲမှာ ခုချိန်ထိ ပဲ့တင်ထပ်နေခဲ့တယ်။

အဲဒါကတော့“အဖြူရောင်နတ်သမီး”ရဲ့ဘလော့ဂ်မှာ ပို့စ်တွေက ဘာမှသိပ်မရှိပါဘူး.. မွေးနေ့ပို့စ်တွေက များနေတယ်နော်” တဲ့..။

ကျမလေ.. တော်တော်စိတ်မကောင်းဖြစ်သွားတယ်။

သူပြောတာ မှန်ပါတယ်..ကျမရဲ့ ဘလော့ဂ်ကို သူရောက်ခဲ့တဲ့ အချိန်(ဒီလအတွင်း) သြဂုတ်လမှာ ကျမချစ်သော ဘလော့ဂ်ကာသူငယ်ချင်းများရဲ့ မွေးနေ့ဟာ(၄)ယောက်ဖြစ်နေတဲ့အတွက် ဒီလပိုင်းအတွင်း ကျမရဲ့ဘလော့ဂ်ပို့စ်များဟာ မွေးနေ့ပို့စ်တွေနဲ့ပြည့်နှက်နေတာကိုတွေ့ရပါလိမ့်မယ်..။



ဘလော့ဂ်ကာသူငယ်ချင်းတယောက်ကလည်း “မနမ်း.. အရေးကျဲနေတယ်.. ကုန်ကြမ်းပြတ်နေလို့လား” တဲ့..

ကျမမှာ ကုန်ကြမ်းတွေအများကြီးပါ၊ ရေးစရာတွေ ခေါင်းထဲမှာ အစီအရီပါ..၊ ရေးချင်ပါတယ်..၊ ရေးတယ်ဆိုရင်လည်း စာတကြောင်းထဲရေးလို့ရတဲ့ အရာမျိုးမဟုတ်လေတော့ ကျမအတွက် အချိန်ယူရပါတယ်။

ဲပြီးတော့ ကျမရဲ့ လုပ်ရိုးလုပ်စဉ်အတိုင်း ပို့စ်တခုမှာ ဓာတ်ပုံတွေနဲ့ယှဉ်တွဲပုံဖော်တတ်တဲ့ ကျမရဲ့အကျင့်ကြောင့် ပို့စ်တခုဖြစ်ဖို့ တော်တော်လေးကို ခက်ခဲနေပါတယ်။

ဧပြီလ ပထမအပတ်မှာ မြန်မာပြည်ကို အပြီးပြန်တော့မယ့် ကျမအတွက် လက်ရှိရောက်ရှိနေတဲ့ ဆိုက်ပရပ်စ်နိုင်ငံက သတင်းများ၊ သမိုင်းကြောင်းများ၊ ခရီးသွားလမ်းညွှန်များ.. အစရှိတဲ့ ဗဟုသုတများစွာကို ကျမတတ်နိုင်သလောက် လက်လှမ်းမှီသလောက် သူငယ်ချင်းတို့အတွက် မျှဝေပေးဖို့အချိန်(၇)လသာ ကျန်ပါတော့တယ်။



မြန်မာပြည်ရောက်ရင်တော့ အားလုံးသိကြတဲ့အတိုင်း Connectionက မကောင်း(Email တောင်ဖွင့်လို့မရတဲ့ အခြေအနေ)၊ ဒီကြားထဲ ဟိုပိတ်၊ ဒီပိတ် (ကျော်ခွရတဲ့ကိစ္စများ) ဇာတ်လမ်းတွေကလည်းရှိသေး၊ လူမှုရေး၊ စီးပွားရေး၊ ဘာအရေး၊ ညာအရေးတွေကြားမှာ ဗြာများရအုံးမှာမို့ ဘလော့ဂ်ကင်းနိုင်ဖို့ တော်တော်လေးကို ခက်ခဲပါလိမ့်မယ်။

လတ်တလော အခြေနေအရ အလုပ်တွေပိနေတာရယ်၊ ကျမရဲ့ ဆိုဒ်ဘားက တခုပြီးတခု တက်လာတဲ့ သူငယ်ချင်းတွေရေးတဲ့ ပို့စ်တွေတောင် သေသေခြာခြာမဖတ်ဖြစ်ပဲ မျက်နှာလွှဲနေရတဲ့ အခြေနေမျိုးပါ။

စက်တင်ဘာလကုန်လောက်ဆိုရင်တော့ အလုပ်လည်းပါးစပြုလာပြီမို့ စာပြန်ရေးနိုင်ပါလိမ့်မယ်။

နောက်တခုက ကျမရဲ့ ကျန်းမာရေးပါ..၊ တခုပြီးတခု ဖြစ်နေပါတယ်။

နေမကောင်းဖြစ်လိုက်၊ ခြေထောက်နာလိုက်နဲ့... အဆုပ်ရောင်လိုက်နဲ့...

ဒီကြားထဲ ဗိုင်းရပ်စ်ကောင်နဲ့လည်း Wanna laugh နေရသေးတယ်...(စိတ်လည်းမချမ်းသာဘူးပေါ့ရှင်)။

အဲဒီအတွက် စာဖတ်သူများအနေနဲ့ ကျမကို နားလည်ပေးဖို့ မေတ္တာရပ်ခံပါတယ်..။



ကဲ..

ဒီနေ့တင်မယ့် ပို့စ်လေးအကြောင်း “စ”လိုက်ကြရအောင်..





“ပလာတာ” လို့ပြောလိုက်ရင် ကျမကတော့ ဆူးလေမီးပွိုင့်ဒေါင့်က အထပ်(၁၀၀) ပလာတာတွေကို မျက်လုံးထဲ ပြေးမြင်မိတော့တာပါပဲ..။

တကယ်တော့ “ပလာတာ” ဆိုတဲ့အဓိပ္ပါယ်ဟာ “အလွှာများစွာဖြင့် ဖွဲ့စည်းထားသော”(သို့မဟုတ်)“အမျိုးစုံသော၊ အမယ်စုံသော”လို့ အဓိပ္ပါယ်ဖွင့်ဆိုခြင်းဖြစ်ပါတယ်။

ကျမတို့ဆိုင်က Menu ထဲမှာလည်း Fruit Platter, Seafood Platter, ..များကို သူငယ်ချင်းတို့မြည်းစမ်းကြည့်ဖို့ တင်ပြရင်း ယနေ့(၃၁.၀၈.၂၀၁၁)ဗုဒ္ဓဟူးနေ့မှာ ကျရောက်တဲ့ မောင်လေးကိုကိုးအိမ်ရဲ့မွေးနေ့ပွဲလေးကို အမှတ်တရ ကျင်းပပေးလိုက်ပါတယ်..





Cheese Platter

Pork Platter

Cheese & Meat Platter

Japanese Seafood Platter







Chicken Platter

Fruit Platter

Sweet Platter

Drinks Platter











Platter Birthday Cake









မောင်လေးကိုကိုးအိမ်အတွက် မွေးနေ့ကဒ်လေးပါ



မောင်လေးရေ..

ယနေ့မှာ ကျရောက်တဲ့ မောင်လေးရဲ့ မွေးနေ့ပွဲလေးမှ“စ”လို့ ပျော်ရွှင်ခြင်းတွေပြည့်နှက်နေတဲ့ ဘဝ၊ အောင်မြင်ခြင်းတွေ ပြည့်နှက်နေတဲ့ ဘဝ၊ မျှော်လင့်ခြင်းတွေပြည့်နှက်နေတဲ့ ဆန္ဒများအားလုံး ပြည့်ဝပါစေလို့ မနမ်းက အပြည့်အဝဆုတောင်းပေးလိုက်တယ်နော်...













ကဲ.. သူငယ်ချင်းတို့ရေ..

မောင်လေးကိုကိုးအိမ်ရဲ့မွေးနေ့မှာ “ပလာတာ” ဆိုတဲ့အဓိပ္ပါယ်လေးတခု အမှတ်တရ ကျန်ခဲ့မယ်ဆိုရင် မွေးနေ့ပွဲတွေနဲ့ပြည့်နှက်နေတဲ့ ကျမရဲ့ဘလော့ဂ်လေးအတွက် တခုခုတော့ ပြန်ရလိမ့်မယ်လို့ ကျမမျှော်လင့်ပါတယ်။

စာဖတ်သူအပေါင်း Blog Day နေ့မှာ ရွှင်လန်းချမ်းမြေ့ကြပါစေရှင်...

Posted in: မွေးနေ့