“အရှက်”ကိုကွဲရောပဲ....

လွန်ခဲ့တဲ့(၁)လလောက်ကပါ။
Mr. & Mrs. Philips တို့ဇနီးမောင်နှံဟာ ဆိုင်မှာလားစားနေကျ ဧည့်သည်တွေဖြစ်ကြတဲ့အတွက် ကျမနဲ့ အတော်ရင်းနှီးနေကြပါပြီ။
Mr.Philips က "Reiki"(Reiji)သင်တန်းကျောင်းဖွင့်ထားတဲ့ နည်းပြဆရာတစ်ယောက်ပါ။
"Reiki"(Reiji)ဆိုတဲ့အဓိပ္ပါယ်ကတော့ "ယောဂကျင့်စဉ်နဲ့ လူ့ခန္ဓာကိုယ်ထဲကရောဂါဝေဒနာတွေကို စိတ်စွမ်းအားနဲ့ခန္ဓာကိုယ်မှ ထုတ်လွှတ်တဲ့ အပူလှိုင်းဓာတ်တခုကိုအသုံးပြုပြီးကုသတဲ့နည်း"ကိုဆိုလိုပါတယ်။
ကျမလည်း အဲဒီနည်းနဲ့ (၂)ကြိမ်ကုသမှုခံယူခဲ့ဖူးပါတယ်။ အကျိုးသက်ရောက်မှုရှိ/မရှိဆိုတာကတော့ ရေရှည်ဆွဲကုကြည့်မှသိသာနိုင်ပါလိမ့်မယ်။
ကျမအတွက်ကတော့ တဒင်္ဂအတွင်းမှာ ကျမရဲ့စိတ်နဲ့ခန္ဓကိုယ်ဟာ တော်တော်လေးကို ပေါ့ပါးလန်းဆန်းသွားတာကို ခံစားတွေ့ရှိရပါတယ်။ ကဲ....အရှက်ကွဲရခြင်းရဲ့အကြောင်းရင်းကို ပြောပါမယ်။
Mr.Philips ဟာ ကျမတို့ရဲ့ဆိုင်မှာ ညစာလာစားရင်း ကျမကို ကိုယ်ဟန်ပြပြီးဓာတ်ပုံအရိုက်ခံပေးရန် (Model လုပ်ပေးရန်)ကမ်းလှမ်းလာပါတယ်။
ကျမကလည်း အစကတည်းကမှ ဓာတ်ပုံရူး၊ Model ရူးဆိုတော့ ချက်ချင်းပဲခေါင်းညှိတ်လက်ခံခဲ့ပါတယ်။ စိတ်ထဲမှာလည်းကျိတ်ပြီးပျော်နေမိတာပေါ့(နိုင်ငံခြားမှာ Model ဖြစ်ရနည်းလား...နော်)။ ဒါနဲ့ပဲ..သူလိုချင်တဲ့အဝတ်အစားပုံစံ၊အရောင်၊ဆံပင်ပုံစံတို့ကို ညှိနှိုင်းပြီးရိုက်ရက်ကိုသတ်မှတ်လိုက်ကြတယ်။
ညရောက်တော့လည်းအိပ်လို့ကိုမပျော်ဘူး၊ရူးပြီလေ..သိတယ်မို့လား..အဲဒီပိုးအကြောင်းကို..သတ်လို့ကိုမလွယ်တာ။ဒီလိုနဲ့ ချိန်ဆိုထားတဲ့ရိုက်ရက်ကို ရောက်လာခဲ့ပါတယ်။
ကျမလည်းမိတ်ကပ်အဖွေးသားနဲ့ ဓာတ်ပုံအရိုက်ခံဖို့ အတွက် Mr.Philipsပြတဲ့ သရုပ်ဆောင်ရမယ့် နမူနာပုံတွေကြောင့်၊ ကျမလေ...အရှက်ကိုကွဲရောပဲ။
အကြောင်းကတော့ ကျမရိုက်ခဲ့ရတဲ့ဓာတ်ပုံတွေဟာ Mr.Philipဖွင့်လှစ်ထားတဲ့"Reiki"သင်တန်းကျောင်းက သင်တန်းသားများအတွက် "သင်ရိုးစာအုပ်"ထုတ်ဖို့ပါတဲ့။
Model တော့ Model ပေါ့....၊
ဒါပေမယ့် ...ကျမအတွက်တော့..."အရှက်ကိုကွဲရောပဲ".....

(အားလုံးပြုံးပျော်နိုင်ကြပါစေ)

Posted in: ဆောင်းပါး