ဆိုက်ပရပ်စ်..အနုပညာ ကောလိပ်သို့ အလည်တခေါက်

ပန်းချီ၊ပန်းပု၊အနုပညာနှင့် ဒီဇိုင်း အတတ်ပညာများကို ရူးသွပ်သူများအတွက် လေ့လာရန် အကောင်းဆုံးနေရာကတော့ ကျမလက်ရှိနေထိုင်လျှက်ရှိသော ဆိုက်ပရပ်စ်နိုင်ငံ လမ်ဘာမြို့လေးတွင် ဖွင့်လှစ်ထားသည့် “Cyprus College of Art” အမည်ရှိ တက္ကသိုလ်ကျောင်းလေးပဲဖြစ်ပါသည်။

ဤကျောင်းကို England နိုင်ငံရှိ Leed Collegeof Art မှ ကဗျာဆရာများနှင့် ပိသုကာ အနုပညာသည်များက ၁၉၆၉ ခုနှစ်တွင် အစမ်းသဘောဖြင့် စတင်ဖွင့်လှစ်ခဲ့ရာမှ အောင်မြင်မှု ရရှိသည့်အတွက် ယင်း ကောလိပ်ကို သင်တန်းကျောင်းများ ပြန့်ပွား၍ ဆက်လက်ဖွင့်လှစ်ခဲ့သည်။

ယင်းကျောင်းမှာ ဆိုက်ပရပ်စ်နိုင်ငံတွင် ရှေးအကျဆုံးနှင့် ပထမဦးဆုံး ဖွင့်လှစ်ခဲ့သော အနုပညာ သင်တန်းကျောင်းဖြစ်ပြီး Cyprus College of Art မှ သင်ကြားပို့ချပေးသော ဘာသာရပ်များမှာ

* Foundation Art and Design.

* Undergraduate Fine Art.

* Postgraduate / MA Fine Art.

* Study Abroad and JYA တို့ ဖြစ်သည်။

သင်တန်းကာလမှာ (၁)နှစ်သင်တန်း၊ (၄)နှစ်သင်တန်း၊ ရက်တို နွေရာသီ သင်တန်းဟူ၍ (၃)မျိုးခွဲခြားထားသည်။
သင်တန်းပို့ချသည့် ဆရာ/ ဆရာမများမှာ (၈)ဦးခန့်ရှိပြီး နိုင်ငံပေါင်းစုံမှ လာရောက်ကြသည့် အနုပညာရှင်များဖြစ်သည်ဟု သိရှိရပါသည်။

ဤအနုပညာကျောင်းသည် အခြားတက္ကသိုလ် ကျောင်းများနှင့် မတူပဲ သင်တန်းမှ ပို့ချသော ဘာသာရပ်များအပြင် မိမိတို့၏ ရင်ထဲမှ ခံစားချက်များကို လွတ်လပ်စွာတွေးခေါ်ပြီး လက်တွေ့အကောင်အထည်ဖော်နိုင်သည့် အနုပညာ စိတ်ကူးပုံဖော်မှုများကို ဖန်တီးနိုင်သည့် ကျောင်းလည်းဖြစ်သည်။

ကျမ စိတ်အဝင်စားဆုံး အရာကတော့ မိမိပုံဖော်ချင်သည့် အရာဝတ္ထု သက်မဲ့ပုံသဏ္ဍာန်တခုအတွက် တန်ဖိုးရှိသော ပစ္စည်းများကို အသုံးမပြုပဲ စွန့်ပစ်ပစ္စည်း အကြိုးအပဲ့များကို အသုံးပြုပြီး ဖန်တီးထားသော သူတို့၏ အနုပညာ လက်ရာများကတော့ ကျမအတွက် မချီးကျူးပဲ မနေနိုင်အောင် ဖြစ်ခဲ့ရသည်။ “ဟင်...အစုတ်အပြတ်တွေချည်းပဲ..ဒါလား...အနုပညာ တက္ကသိုလ်..” ဟု ပြောကောင်းပြောကြပါလိမ့်မည်။ သူတို့ဖန်တီးထားတဲ့ အဲဒီ အစုတ်အပြတ်တွေက ပြောတဲ့ ခံစားချက်တွေကို ခံစားတတ်သူ ကျမကတော့ နားလည်ခဲ့ပါပြီ။

အနုပညာဆိုတာ... တန်ဖိုးရှိသော အရာတွေနဲ့ ပြုလုပ်ဖန်တီးမှ အနုပညာ လက်ရာ တခု ဖြစ်လာခြင်းမဟုတ်ပါ။ အနုပညာမှာ အသုံးမဝင်သည့် ပစ္စည်းဆိုတာ မရှိ၊ စွန့်ပစ် ပစ္စည်း တိုင်းသည် အနုပညာ သမားတယောက်အတွက်တော့ သူ့နေရာနှင့်သူ အမြဲတန်းအသုံးဝင်နေခဲ့သည်။

ဘဝဆိုတာလည်း ထိုနည်း၎င်း ပါပဲ...။

ကိုယ့်ကိုယ်ကို အသုံးမကျသူလို့ ထင်ထားတဲ့ လူ တယောက်...

သူနဲ့ သင့်တော်မယ့် နေရာကို ရောက်သွားခဲ့ရင်တော့...

တန်ဖိုးမဖြတ်နိုင်တဲ့ လူတယောက် ဖြစ်လာနိုင်တယ်ဆိုတာကို...

ဆိုက်ပရပ်စ် အနုပညာကောလိပ်မှ သက်သေပြလိုက်ခြင်း ဖြစ်ပါသည်။
ကျမ ကိုယ်တိုင် သွားရောက် လည်ပတ်ခဲ့သော ဤအနုပညာ သင်တန်းကျောင်းမှ စိတ်ဝင်စားစရာ ဓာတ်ပုံအချို့ကို ဖော်ပြရင်း ဆိုက်ပရပ်စ် နိုင်ငံမှ ကျမအတွက် စိတ်အဝင် စားဆုံး နေရာ တခုအဖြစ် မှတ်တမ်းတင်အပ်ပါသည်။

Posted in: ဆောင်းပါး