TEAM EFFORT MAKES SUCCESS

ဧည့်ကြိုကောင်တာတွင် ရပ်နေသည့်ကျမ၏ အကြည့်များသည် ကောင်တာဘေးတွင်ချိတ်ထားသော မှန်ဘောင်တခုဆီသို့ အမှတ်မထင်ရောက်သွားခဲ့သည်။ ဓာတ်ပုံထည့်ထားသော မှန်ဘောင်တော့မဟုတ်၊ဆိုက်ပရပ်စ်နိုင်ငံ ဟိုတည်နှင့်ခရီးသွားလုပ်ငန်း ဝန်ကြီးဋ္ဌါနမှ (၂၀၀၅) နှစ်တွင် “Time Out Cyprus Eating Award” ဆိုသည့် ဆုကို ပထမဦးဆုံးအကြိမ်အဖြစ် စတင်ချီးမြှင့်ခဲ့ရာ ထိုဆုကို ကျမအလုပ် လုပ်လျှက်ရှိသော တရုတ်စားသောက်ဆိုင်ကြီးမှ ဆွတ်ခူးရရှိခဲ့သော ဆုရလက်မှတ်လေးကို ဘောင်သွင်းထားခြင်းပင်ဖြစ်သည်။ အကောင်းဆုံးအစားအစာ၊ အသန့်ရှင်းဆုံး အစားအစာ ၊ အလှဆုံးဆိုင်အပြင်အဆင်နှင့် ဖွဲ့စည်းမှု၊ ဝန်ထမ်းများ၏ အကောင်းဆုံး ဆက်ဆံရေးပြေပြစ်မှု၊ ဝန်ထမ်းများ၏ အသေသပ်ဆုံးဝတ်စားဆင်ယင်မှု၊ ဝန်ထမ်းများ၏ အကောင်းဆုံး နွေးထွေးပျူငှါမှု၊ စသည့်အချက်များစွာကို ဟိုတည်နှင့် ခရီးသွားလုပ်ငန်း ဝန်ကြီးဋ္ဌါနမှ စစ်ဆေးရေးဝန်ထမ်းများသည် အုပ်စုများခွဲကာ ဆိုက်ပရပ်စ်နိုင်ငံအတွင်းရှိ ဟိုတည်နှင့် စားသောက်ဆိုင်ပေါင်း (၆၀၀၀)အတွင်းသို့ ကြိုတင်အကြောင်းကြားထားခြင်းမရှိပဲ သာမန်ဧည့်သည်များအသွင်ဖြင့် ဝင်ရောက်စားသုံးအကဲဖြတ်ရင်း (၆)လကြာမျှ စစ်ဆေးမှုများပြုလုပ်ခဲ့သည်။ ထိုမှတဆင့် မဲပေးစံနစ်ဖြင့် “Time Out Cyprus Eating Award” ဆုကို ချီးမြှင့်ခဲ့သည်။ ထိုဆုကို ထိုက်တန်စွာ ရရှိခဲ့သော “Chloe's Chinese Restaurant” (ကလိုရီ တရုတ်စားသောက်ဆိုင်) မှဝန်ထမ်းများ၏ နေ့စဉ်ထမ်းဆောင်လျှက်ရှိသော တာဝန်နှင့် လုပ်ရိုးလုပ်စဉ်များကို စာဖတ်သူများလေ့လာနိုင်ရန် တင်ပြလိုက်ရပါသည်။

PREPARATION (လုပ်ငန်းမစမီ ကြိုတင်ပြင်ဆင်ခြင်း)

ညနေ(၆)နာရီ လုပ်ငန်းခွင်သို့ ရောက်သည်နှင့် ဝန်ထမ်းများအချင်းချင်း “Hello” ဟူသော စကားလုံးဖြင့် စတင်နှုတ်ဆက်ပြီး (၁၀)မိနစ်ကြာ အချိန်တို အစည်းဝေး လုပ်ကြရသည်။အစည်းအဝေးတွင် ထိုညနေအတွက် V.I.P ခေါ် အထူးဧည့်သည်များ Reservation လုပ်ထားခြင်း ရှိ /မရှိ ဧည့်ကြိုမှ စစ်ဆေးပြီး Reservation ရှိပါက တာဝန်ကျစားပွဲထိုးများအား ကြိုတင်အသိပေးခြင်း၊ မွေးနေ့ပွဲ၊ မင်္ဂလာနှစ်ပတ်လည် ကဲ့သို့သော အထူးညစာစားပွဲများရှိပါက ထိုစားပွဲအား အထူးအလှဆင်ထားရန်နှင့် မွေးနေ့ပွဲအတွက် ကိတ်မုန့်မှာပေးခြင်း၊ မင်္ဂလာနှစ်ပတ်လည်အတွက် ပန်းစည်း များမှာထားပေးရန် စသည့် ဝန်ဆောင်မှုများကို ကြိုတင်ပြင်ဆင်ထားရသည်။ ထို့နောက် တဆိုင်လုံး၏ မီးအလင်းအမှောင်များစစ်ဆေးခြင်း၊ အခန်းအပူအအေးမျှတမှုစစ်ဆေးခြင်း၊ အပူပေးစက်ထဲမှ ထမင်းစားပုဂံများ၏ အပူချိန် စစ်ဆေးခြင်း၊ ဧည့်သည်များ အစာမစားမီ သန့်စင်ရန် ပေါင်းခံထားသော လက်သုတ်ပုဝါများ၏ အပူချိန်စစ်ဆေးခြင်း၊ သန့်စင်ခန်းများ၏ သန့်ရှင်းမှုနှင့် အနံ့အသက် ကင်းရှင်းမှု စစ်ဆေးခြင်းများကို တာဝန်ရှိဝန်ထမ်းများမှ အသီးသီးစစ်ဆေးပြီး အကြောင်းတစုံတရာရှိပါက မန်နေဂျာအားအကြောင်းကြားရသည်။

Greeting & Management(ခရီးဦးကြိုဆိုခြင်းနှင့် စီမံခန့်ခွဲခြင်း)
ဧည့်ကြိုတယောက်၏ လုပ်ငန်းတာဝန်များကတော့ ဧည့်သည်များအား နွေးထွေးပျူငှါစွာ ခရီးဦးကြိုဆိုရင်း Reservation လုပ်ထားခြင်းရှိ /မရှိကို အရင်မေးပြီး Reservation လုပ်ထားပါက သတ်မှတ်ထားပြီးဖြစ်သော စားပွဲသို့ပို့ဆောင်ပေးခြင်း၊ Reservation မလုပ်ထားပါက ဧည့်သည်များနှင့် ကိုက်ညီမည့် စားပွဲသို့ ဧည့်ကြိုမှ ပို့ဆောင်ပေးရသည်။ ဥပမာ။ ။ သက်ကြီးရွယ်အိုများ၊ ခြေထောက်မကောင်းသူများ၊ ကလေးလက်တွန်းလှည်းပါသော မိသားစုဧည့်သည်များအတွက် မြေညီထပ်၊ လူငယ်များနှင့် လူလတ်ပိုင်းများ၊ ကလေးမပါသော မိသားစုများအတွက် အလယ်ထပ်၊ ညစာစားပွဲဝတ်စုံပြည့်ဝတ်ထားသော ဂုဏ်သရေရှိလူကြီးများ၊ V.I.P ဟုခေါ်သော ဒေသခံ မြို့မျက်နှာဖုံး မိသားစုများ၊ ဋ္ဌါနဆိုင်ရာ အရာရှိမိသားစုများ၊အပေါ်ဆုံးထပ်ကို Reservation လုပ်ပြီး တောင်းခံထားသောဧည့်သည်များအတွက် အပေါ်ဆုံးထပ်ရှိစားပွဲများတွင် နေရာချပေးရသည့်အပြင် ချစ်သူစုံတွဲများအတွက် Romantic စားပွဲများ၊ မီးရောင်မှုန်ပြပြနှင့် ထောင့်ကျသော စားပွဲများ၊ မျက်မှန်သမားများ၊ မျက်စိမကောင်းသူများအတွက် မီးအလင်း အပြည့်အဝရရှိနိုင်သည့် စားပွဲများကို ဧည့်သည်မှ ဖွင့်ဟတောင်ဆိုစရာမလိုပဲ ဧည့်ကြိုမှ လိမ္မာပါးနပ်စွာ အလိုက်သိစွာ နေရာချပေးရသည်။ ထို့အပြင် ဧည့်သည်များအား သတ်မှတ်ထားသော စားပွဲသို့ ဧည့်ကြိုမှ ဦးဆောင်ပြီး ခေါ်ဆောင်သွားရာ လမ်းတလျှောက်တွင် ထိုဧည့်သည်၏ အမည်၊ သို့မဟုတ် Special Vacation ဟုခေါ်သော အထူးညစာလာစားပွဲ ရှိ/မရှိ ကို တီးခေါက်ပြီး အကြောင်းရင်းတချို့ကို သိရှိပါက ထိုဧည့်သည်ထိုင်မည့်စားပွဲ တာဝန်ကျသူ စားပွဲထိုးအား ကြိုတင်အသိပေးထားရသည်၊ သို့မှသာလျှင် တာဝန်ကျသူ စားပွဲထိုးမှ ထိုဧည့်သည်၏ အမည်ကို ခေါ်ရင်း ခရီးဦးကြိုကာ စားပွဲသို့ ချည်းကပ်ရာတွင် ဧည့်သည်အား ပထမအဆင့် နွေးထွေးပျူငှါခြင်း၊ ဂရုစိုက်ခြင်းကိုပြသခြင်းဖြင့် ဧည့်သည်၏ စိတ်ကို အမောပြေ ကြည်လင်စေသည်။အကယ်၍ ဧည့်သည်ထံမှ မင်္ဂလာနှစ်ပတ်လည်နေ့အဖြစ် ညစာလာစားခြင်းအကြောင်းရင်းကိုသိရှိပါက ဂုဏ်ပြုပွဲ၊အောင်ပွဲ အခန်းအနားများတွင် သောက်လေ့ရှိသော“ ရှန်ပိန်”ဟုခေါ်သည့် အရည်တမျိုးကို ဂုဏ်ပြုခြင်းအထိမ်းအမှတ်အဖြစ် အလကားတိုက်ကာ ဧည့်သည်များအားပျော်ရွှင်စေခြင်းဖြင့် အထူးကြိုဆိုမှုပြုရသည်။အကယ်၍ မွေးနေ့ညစာစားပွဲဖြစ်ပါက ဧည့်သည်များ ညစာ စားပြီးချိန်တွင် အချိုပွဲဟုခေါ်သော Dessert ကို ဝန်ထမ်းတဦးမှ ကိုင်ဆောင်ပြီး ကျန်ဝန်ထမ်းများမှ မွေးနေ့စားပွဲအား ဝန်းရံကာ မွေးနေ့ဆုတောင်းသီချင်းကို အင်္ဂလိပ်ဘာသာ၊ တရုတ်ဘာသာတို့ဖြင့် သံပြိုင်သီဆိုရင်း မွေးနေ့ရှင်အား အံ့သြသင့်စေသည်။ တခါတရံ ဧည့်သည်တချို့သည် ဆိုင်ထဲသို့ မဝင်ရောက်မီအချိန်ကတည်းက အခြင်းခြင်း စကားများခြင်း၊ ဒေါသထွက်နေခြင်း၊စိတ်မအီမသာရှိခြင်း၊ စသည့်လက္ခဏာများကို ဧည့်ကြိုမှ ခန့်မှန်းသိရှိပါက မန်နေဂျာနှင့်တကွ တာဝန်ရှိစားပွဲထိုးများအား ကြိုတင်အသိပေးထားပြီး ထိုစားပွဲသို့ချည်းကပ်ရာတွင် သတိနှင့်ဆက်ဆံပြောဆိုရသည်။အကယ်၍ ဧည့်သည်တချို့သည် ဆိုင်ထဲသို့ ဝင်လာကတည်းက အရက်မူးလွန်နေခြင်း၊ စိတ်မနှုံ့သူများပါနေခြင်းများကို ဧည့်ကြိုမှ ခန့်မှန်းသိရှိပါက ထိုကဲ့သို့သော ဧည့်သည်များကို အလိမ္မာနည်းသုံး၍ ငြင်းဆန်ခြင်းဖြင့် ဆိုင်၏ အဆင့်အတန်း(Standard)ကို ထိန်းသိမ်းရသည်။

Communication & Services(ဆက်သွယ်သတင်းပေးပို့ခြင်းနှင့် အခြားဝန်ဆောင်မှု)

ဧည့်ကြိုမှ ဧည့်သည်များအား သင့်တော်သည့် စားပွဲများတွင် နေရာချပြီးပါက တာဝန်ကျ စားပွဲထိုးမှ ခရီးဦးကြိုသည့်အချိန်မှစ၍ ညစာ စားပြီးသည့်အချိန်ထိ တာဝန်ယူဧည့်ခံရသည်ဖြစ်ရာ ဧည့်သည်များထဲမှ ဤဆိုင်သို့တခါမှ မလာဖူးသော ဧည့်သည် (သို့မဟုတ်) အစားအသောက်များအား ရွေးရန် အခက်အခဲရှိသော ဧည့်သည်များကို တာဝန်ကျ စားပွဲထိုးမှ ဧည့်သည်နှင့် သင့်တော်မည့်ဟင်းပွဲများကို ကူညီ၍ ရွေးပေးရသည်။ (ဥပမာ။ ။ အစပ်ကြိုက်သူ၊ အချိုကြိုက်သူ၊ အသားမစားသူ၊ ပင်လယ်စာနှင့်မတည့်သူ)ပုံမှန်လာနေကျ ဧည့်သည်များဖြစ်ပါကလည်း ၎င်းတို့၏ အကြိုက်ကို စားပွဲထိုးများက သိထားသဖြင့် ကြိုတင်စီစဉ်ထားရသည်၊ ဥပမာ။ ။ ပုဂံလုံးနှင့် စားသော ဧည့်သည်၊ ပုဂံပြားနှင့် စားသော ဧည့်သည်၊ ရေခဲမကြိုက်သော ဧည့်သည်၊ ထမင်းစားပြီးတိုင်း သစ်သီးများအချိုတည်းတတ်သော ဧည့်သည်၊ ထမင်းစားနေစဉ် ပုဂံကို (၂)ခါလဲတတ်သော ဧည့်သည်၊ ရေထဲသို့ သံပုရာသီးစိတ်ထည့်သောက်တတ်သော ဧည့်သည်၊ ဝိုင်များကို စားပွဲထိုးများ၏ အကူအညီမပါပဲ ကိုယ်တိုင်ငှဲ့သောက်တတ်သောဧည့်သည်၊ ဝိုင်ကို တဆွတ်ဆွတ်သောက်၍ စားပွဲထိုးများမှ ခနခနဝိုင်ငှဲ့ပေးသည်ကို ကြိုက်သော ဧည့်သည်၊ ဂျုံပါသော အစားအစာနှင့် မတည့်သည့်အတွက် ဂျုံမပါပဲ သီးသန့် ချက်ပြုတ်ပေးရသောဧည့်သည်၊ မြေပဲနှင့်မတည့်၍ မြေပဲဆီ၊ မြေပဲ ပါသော ဟင်းများကို ရှောင်၍ ချက်ပေးရသောဧည့်သည်၊ ...စသည်တို့ကို ဧည့်သည်၏ ပါးစပ်မှ ထုတ်ဖော်ပြောဆိုစရာမလိုပဲ ဝန်ထမ်းများမှ ကြိုတင်သိထားပြီး အဆင်သင့်ဖြစ်နေစေခြင်းဖြင့် ဝန်ထမ်းများ၏ ဂရုစိုက်မှုကို ပြသရသည်။ တချို့ဧည့်သည်များသည် မိမိတို့၏ စီးပွားရေး ၊ လုပ်ငန်းများအကြောင်း ဆွေးနွေးတတ်ကြရာ ၎င်းတို့၏ စားပွဲသို့ စားပွဲထိုးများ ခနခနသွားရောက်ခြင်းကို မကြိုက်သည့်အခါမျိုးလည်းရှိသည်၊ ထိုကဲ့သို့သော စားပွဲများကို စားပွဲထိုးများ ခနခနမသွားမိစေရန် အချင်းချင်း အချက်ပြ သတိပေးထားရသည်။ Starter နှင့် Main course အကူးအပြောင်းတွင် ဧည့်သည်ရှေ့သို့ ဟင်းပွဲများအရောက်နောက်မကျရလေအောင် ဂရုစိုက်ခြင်း၊ ဧည့်သည်များ Main course စားနေစဉ်တွင် တာဝန်ကျ စားပွဲထိုးမှ ဟင်းများ၏ အရည်အသွေးကောင်း/မကောင်း၊ နှစ်သက်မှုရှိ /မရှိတို့ကို မေးရင်း ဧည့်သည်များ စိတ်ကျေနပ်မှုအပြည့်အဝ ရရှိသည်အထိ ဆောင်ရွက်ပေးရသည်။ (ဥပမာ။ ။ ဟင်းမကြိုက်ပါက တခြားဟင်းဖြင့်လဲပေးခြင်း၊ သို့မဟုတ် အခကျေးငွေမယူပဲ Bill ထဲမှ ထိုဟင်းပွဲ၏ ကျသင့်ငွေကို ပြန်နှုတ်ပေးခြင်းများကို ဆောင်ရွက်ပေးရသည်)။Dinning Aera အတွင်း မိသားစု စားပွဲဝိုင်းများမှ ကလေးငယ်များ၏ ငိုသံ၊ သို့မဟုတ် ဆော့ကစားသံများကြောင့် တခြားဧည့်သည်များအား စိတ်အနှောက်အယှက် မဖြစ်စေရန် တာဝန်ရှိသူ စားပွဲထိုးများမှ အချင်းချင်း အချက်ပြကာ ကလေးငယ်များ အငိုရပ်သွားစေရန် နည်းလမ်းရှာ၍ စက္ကူအရုပ်လေးများပြုလုပ်ပေးခြင်း၊ ရေခဲမုန့်(သို့မဟုတ်) ငါးမုန့်ကြော်များကျွေးခြင်း၊ ကလေးများ အလွယ်တကူအသုံးပြုနိုင်သော အထူးပြုလုပ်ထားသည့် Special Chopsticks (တူ)များကို ပေး၍ ဆော့ကစားစေခြင်း၊လိုအပ်ပါက ကလေးမိဘများ အေးချမ်းစွာ ညစာ စားနိုင်ရန် ဝန်ထမ်းများက ကလေးများကို ထိန်းကျောင်း ချော့မြှူပေးခြင်းများကို ပြုလုပ်ပေးရသည်။

Discuss(ဆွေးနွေးခြင်း)

ဧည့်သည်များထံမှ ရရှိသော အကြံ ဥာဏ်များသည် ကျမတို့အတွက် အရေးကြီးသော အလိုအပ်ဆုံးဆွေးနွေးမှုများဖြစ်ရာ ဆိုင်၏ လိုအပ်ချက်များ၊ အစားအစာများ၏ အားနည်းချက်၊ အားသာချက်များ၊ ပြုပြင်သင့်သည့် အရသာများကို ဧည့်သည်များ၏ အကြံပေးချက်များမှ ရယူကာ တာဝန်ရှိသူများအား နေ့စဉ် တင်ပြရသည်။ဧည့်သည်များမှ ပြောသော စကားများသည် မိမိအတွက် စိတ်ကျေနပ်မှုရှိသည်ဖြစ်စေ၊ မရှိသည်ဖြစ်စေ Custamer always right ဆိုသည့် စည်းကမ်းချက်အရ ဝန်ထမ်းများမှ အပြုံးနှင့်သာ တုန့်ပြန်ရသည်။ တခါတရံ ဧည့်သည်များမှ သိလိုသော အကြောင်းအရာများကို ဗဟုသုတနှင့် ယှဉ်ကာ ဝန်ထမ်းများမှ ဥာဏ်ရည်ပါးနပ်စွာ ပြန်လည်ဖြေကြားရာတွင် ဧည့်သည်များအား စိတ်ညစ်စေမည့်စကားမျိုးကို မပြောမိစေရန် ထိန်းသိမ်းပြောဆိုရသေးသည်။ ဧည့်သည်များ ညစာ စားပြီး၍ ငွေရှင်းပြေစာတောင်းချိန်တွင် အစားအသောက်နှင့်တကွ ဝန်ထမ်းများ၏ ဝန်ဆောင်မှုများအားလုံးကို ကျေနပ်မှုရှိ / မရှိ မေးမြန်ပြီး ဧည့်သည်များစိတ်ကျေနပ်သည်အထိ အတတ်နိုင်ဆုံးဆောင်ရွက်ပေးရသည်။

Personal Hygiene and Apperence(ဝန်ထမ်းများ၏ တကိုယ်ရေသန့်ရှင်းမှုနှင့် ရုပ်ပိုင်းဆိုင်ရာ အသွင်အပြင်)

ဟိုတည်နှင့် စားသောက်ဆိုင်လုပ်ငန်းအတွက် ဧည့်ခံရေးပိုင်းသည် အလွန်အရေးကြီးသောကြောင့် ဝန်ထမ်းများသည် လုပ်ငန်းခွင်အတွင်းသို့ မိမိတို့၏ ပုဂ္ဂိုလ်ရေးရာပြဿနာ များကို မယူဆောင်လာရပါ။ လုပ်ငန်းခွင်သို့ ရောက်သည်နှင့် မိမိတို့၏ ပြဿနာများကို မေ့ထားပြီး ဧည့်သည်များအား အပြုံးဖြင့်ကြိုဆိုကာ ဝန်ဆောင်မှုအပြည့်အဝပေးရန် အဆင်သင့်ဖြစ်နေရမည်။စားပွဲထိုးဝန်ထမ်းများသည် ဧည့်သည်များနှင့် အနီးကပ်ဆက်ဆံရသူများဖြစ်ခြင်း၊အစားအသောက်ပန်းကန်များအား ထိတွေ့ရခြင်းကြောင့် တကိုယ်ရေသန့်ရှင်းမှုကို အဓိကထားပြီး ပိုးသတ်ဆေးပါသော Special Liquid ဆေးရည်တမျိုးဖြင့် လက်များကို မကြာခနဆေးရသည့် အလေ့အကျင့်ကို လုပ်ဆောင်ရသည်။အမျိုးသား စားပွဲထိုးများအတွက် ဆံပင်တိုကပ်စွာ ညှပ်ခြင်း၊ မုတ်ဆိတ်မွှေး၊နှုတ်ခမ်းမွှေးများကို အမြဲရိတ်ထားခြင်း၊ ကိုယ်မှထွက်တတ်သော ချွေးနံ့များကိုလည်း တကိုယ်ရေသန့်ရှင်းမှုဖြင့် အမြဲဂရုစိုက် ထိန်းသိမ်းရသည်။ အမျိုးသမီး စားပွဲထိုးများအတွက် မိမိတို့၏ဆံပင်မွှေးများသည် ဧည့်သည်များ၏ အစားအသောက်ပန်းကန်များထဲသို့ မကျမိစေရန် စု၍စည်းခြင်း၊ထုံးခြင်း တို့ကို မဖြစ်မနေလုပ်ဆောင်ရသည်။အရောင်တောက်ပသော လက်သည်းဆိုးဆေးများကိုရှောင်ကျဉ်၍ လက်သည်းများကိုလည်း အမြဲသန့်ရှင်းစင်ကြယ်စွာထားရသည်။ မိတ်ကပ်အလွန်အကျွံမလိမ်းရ၊ အနံ့ပျင်းသော ရေမွှေးများအဆွတ်ရ၊ တန်ဖိုးကြီးမားသော လက်ဝတ်တန်ဆာများကိုမဝတ်ရ၊ လက်သည်းရှည် မထားရ၊ ဝန်ထမ်းဝတ်စုံများကိုလည်း အမြဲတစေ သန့်ရှင်းစွာ ဝတ်ဆင်ရသည်။ဒေါက်မပါသော အနက်ရောင် ဖိနပ်ကိုသာ ဝတ်ဆင်ခွင့်ရှိပြီး ဖိနပ်မှာလည်း အမြဲတစေ သန့်ရှင်းတောက်ပြောင်နေရသည်။စားသောက်ဆိုင်သို့ လာရောက်သည့် ဧည့်သည်များသည် ၎င်းတို့ညစာ စားနေစဉ်အချိန်တွင်းတွင် ဝန်ထမ်းများ၏ အပြုမူများကို လေ့လာအကဲခတ်တတ်သည်ဖြစ်ရာ ဝန်ထမ်းများအား လုပ်ငန်းခွင်အတွင်း ဧည့်သည်များရှေ့တွင် ခြေသံကြားအောင်မလျှောက်ရ၊ ပီကေမစားရ၊ ဧည့်သည်များအား လက်ဆွဲနှုတ်ဆက်သည်မှအပ မထိ၊မကိုင်ရ၊မဖက်ရ၊ ကမ္ဘာသုံး အင်္ဂလိပ်ဘာသာ စကားမှလွဲ၍ ဧည့်သည်များနားမလည်နိုင်သည့် ကိုယ်ပိုင် ဘာသာစကားများကို ဝန်ထမ်းအချင်းချင်း ပြောဆိုခြင်းမပြုရ၊ ရုပ်ပိုင်းဆိုင်ရာ အားနည်းချက်ရှိသော ဧည့်သည်များကို ပျက်ရယ်ခြင်းမပြုရ၊ ဧည့်သည်များ၏ ရှေ့တွင် မျက်စိ၊နား၊နှာခေါင်း၊ခေါင်း မကုတ်ရ၊ ဧည့်သည်နှင့်စကားပြောဆိုချိန်တွင် နေရမည့် ကိုယ်နေဟန်ထား၊ ..စသည့် စည်းကမ်းချက်များအပြင် မိမိတို့၏ လုပ်သက်များမှ သင်ယူရရှိခဲ့သော အတွေ့အကြုံများစွာလည်း ရှိသေးသည်။

Security(လုံခြုံရေး)

ဧည့်သည်များ၏လုံခြုံရေး၊ ဝန်ထမ်းများ၏ လုံခြုံရေး၊ ဆိုင်တခုလုံး၏ လုံခြုံရေးများအတွက် သန့်စင်ခန်းမှအပ ကျန်သော နေရာများတွင် နေရာလွတ်မရှိ ကင်မရာများတပ်ဆင်ထားပြီး ဆိုင်တွင်းလှုပ်ရှားမှုအားလုံးကို ရုံးခန်းမှ ထိန်းချုပ်ထားသည်။ ဆိုင်အပြင်ပိုင်း လုံခြုံရေးကိုတော့ ည(၆)နာရီမှ မနက်(၆)နာရီအထိ သီးသန့်လုံခြုံရေးများရှိသည်။

Special Function(အထူးဧည့်ခံပွဲများအတွက် ဝန်ဆောင်မှုများ)

မင်္ဂလာဆောင်ပွဲများ၊ မွေးနေ့ပွဲများ၊ ကုမ္ပဏီဖွင့်ပွဲအထိန်းအမှတ် ပါတီပွဲများ၊လူပျိုည/အပျိုည ပွဲများ၊အတွက် အခန်းအနားဖြင့် သီးသန့်ပြုလုပ်ချင်သူများအတွက် ကျမတို့စားသောက်ဆိုင်မှ အလုပ်အပ်သူ ဧည့်သည်များနှင့် ညှိနှိုင်းကာ လူဦးရေနှင့် အစားအသောက်ပမာဏတို့ကို သတ်မှတ်ပြီး ကျသင့်ငွေဆောင်းခံခြင်း၊အထူး အခန်းအနားပြင်ဆင်ပေးခြင်း၊ အလုပ်အပ်သူနှင့်တိုင်ပင်၍ လိုအပ်သော အချိန်အတိအကျ ဟင်းပွဲများကို စီစဉ်ပေးခြင်း၊ နောက်ခံတေးဂီတများစီစဉ်ပေးခြင်း၊ Suprice ခေါ် ဧည့်သည်များအား အံ့သြပျော်ရွှင်သွားစေမည့် အထူးဝန်ဆောင်မှုများကိုလည်း ကျမတို့ဆိုင်မှ ဧည့်သည်များစိတ်တိုင်းကျ လက်ခံဆောင်ရွက်ပေးလျှက်ရှိပါကြောင်း တင်ပြရင်း....“Time out Cyprus Eating Awards” ဆုကို ရရှိခဲ့သော ဆိုက်ပရပ်စ်နိုင်ငံ ၊ကမ်းခြေမြို့လေးတနေရာက “ကလိုရီ” ဆိုတဲ့ တရုတ်စားသောက်ဆိုင်ကြီးသို့ အလည်တခေါက်လာရောက်ဖို့ ဖိတ်ခေါ်လိုက်ပါရစေရှင်။

“TEAM EFFORT MAKES SUCCESS”

Posted in: ဆောင်းပါး