ကိုအဲလက်စ်(Alex)...သို့

jar said...

hi , i am alex from malaysia , i am looking around your website very nick and interested , you tell alot for job and about your country now you working ,but you never told how to come to there and how to apply and how is the immigration rule, sometime i am thinking we are come and go far away from myanmar for money but it is not important in life ,because of government ,last time i work in singapore ten years but now in malaysia working as technician , i always on line , take care of your waist be careful ,my email mr.jargyi@gmail.com

January 12, 2011 12:43 AM
..........................................................................................
ကိုအဲလက်စ်ရေ...
ကိုအဲလက်စ် သိချင်တဲ့ “ဆိုက်ပရပ်စ်နိုင်ငံကို လာနိုင်တဲ့ နည်းလမ်းတချို့” ကို ကျမသိသလောက်ရေးပြလိုက်တယ်နော်။
ဆိုက်ပရပ်စ်နိုင်ငံကိုလာဖို့
(၁)ကျောင်းဗီဇာ(Student visa)
(၂)အိမ်ဗီဇာ( House maid)
(၃)ဟိုတည်နှင့်စားသောက်ဆိုင်(Restaurant visa)
(၄)ကုမ္ပဏီဗီဇာ(Business visa) ဆိုပြီး Visa (၄) မျိုးရှိပါတယ်။

(၁)ကျောင်းဗီဇာ သမားများအတွက် ဗီဇာလျှောက်ဖို့အတွက် ဆိုက်ပရပ်စ်နိုင်ငံကို မလာခင် ဆိုက်ပရပ်စ်နိုင်ငံမှာရှိတဲ့ ဘဏ်တခုခုမှာ ယူရို ၂၀၀၀ ဖြင့် Account ဖွင့်ပြရပါတယ် (ပွဲစားများလုပ်ပေးပါတယ်)။
ဆိုက်ပရပ်စ်ကို ရောက်ပြီး ၁နှစ်ခွဲအကြာမှာ အဲဒီယူရို၂၀၀၀ကို မိမိကိုယ်တိုင်ပြန်ထုတ်လို့ရပါတယ်။
ကျောင်းလခကတော့ ၁နှစ်စာအတွက် ယူရို ၃၀၀၀ သွင်းရပါတယ်။
နေစရာကတော့ အခန်း၃ခန်းပါတဲ့ အိမ်တလုံးကို ယူရို ၆၀၀ ပေးရပါတယ်(၁ယောက်ကို ယူရို၂၀၀နှုန်းပေါ့)။ ဧည့်ခန်းမှာနေလို့ရတဲ့အတွက် ၅ယောက်လောက်နေကြပါတယ်၊ လူများလေ ကိုယ်ပေးရတာနည်းလေပေါ့။
၁နှစ်မှာ (၇)လ ကျောင်းတက်ရပြီး (၅)လပိတ်တဲ့အတွက် ပိတ်ရက်တွေမှာ အလုပ်လုပ်လို့ရပါတယ်။
ကျောင်းသားများ အလုပ်လုပ်ခွင့် ဥပဒေကတော့ ကျောင်းပိတ်ရက်(၅)လနဲ့ ကျောင်းတက်လ(၇)လထဲမှ စနေနှင့် တနင်္ဂနွေနေ့များမှာ အလုပ်လုပ်ခွင့်ရှိပါတယ်။
ကျောင်းဗီဇာနဲ့လာပြီး အလုပ်လုပ်သူများကတော့ ကျောင်းမတက်ပဲ ကျောင်းတက်လက်မှတ်ထိုးပေးသူကို ငွေပေးထိုးခိုင်းကြပါတယ်။
စာမေးပွဲဖြေရာမှာလည်း လိုင်းဝင်ထားတဲ့အတွက် စာမေးပွဲမှာ မေးမဲ့မေးခွန်းနဲ့ အဖြေ စာရွက်ဟာ ကိုယ်လက်ထဲကို ၁ပတ်အလိုမှာ ရောက်ရှိပါတယ်။
မတက်မဖြစ် တက်ရမဲ့ ကျောင်းတက်ရက်များရှိခဲ့လျှင်လည်း (လိုင်းဝင်ထားတဲ့အတွက်) သက်ဆိုင်ရာလူများက မိမိကို ဖုန်းဆက်အကြောင်းကြားပါတယ်။
ဘွဲ့၁ခုရဖို့ ၄နှစ်တက်ရတဲ့အတွက် ကျောင်းဗီဇာရဲ့သက်တမ်းဟာ ၄နှစ်လို့ ပြောလို့ရပါတယ်။
အဲဒီလို ၄နှစ်ပြည့်လို့ မပြန်ချင်သေးဘူးဆိုရင်တော့ နောက်ဘွဲ့တခုအတွက် ထုံးစံအတိုင်း ၁နှစ်ကို ကျောင်းလခ ယူရို၃၀၀၀ နှုန်းနဲ့ နေချင်သလောက်နေလို့ရပါတယ်။
မြန်မာပြည်ကနေ လာသူများကတော့ ဒီမှာကျောင်းတက်နေကြတဲ့သူငယ်ချင်းတွေနဲ့ညှိပြီး လာကြတဲ့အတွက် ပွဲစားခ ဘယ်လောက်ယူတယ်ဆိုတာကို ကျမ မေးလို့မရပါဘူး(သူတို့ကလည်း မပြောပြကြဘူး)။
ဆိုက်ပရပ်စ်မှာရှိတဲ့ ကျောင်းဗီဇာနဲ့အလုပ်လုပ်နေကြတဲ့ လူအများစုကတော့ တရုတ်လူမျိုးများပဲဖြစ်ပါတယ်၊ သူတို့ပြောပြချက်အရ အပြီးအစီးယူရို ၁၅၀၀၀ ပေါက်ဈေးရှိတယ်လို့သိရပါတယ်။


(၂)အိမ်ဗီဇာ သမားများအတွက် ဗီဇာ(၃)မျိုးထပ်ခွဲထားပါတယ်။
* မိသားစုတခုအတွက် ချက်ပြုတ်ရေး၊ သန့်ရှင်းရေးကို တာဝန်ယူရတဲ့ ရိုးရိုး အိမ်သန့်ရှင်းရေး ဗီဇာအတွက် ၅နှစ်နေခွင့်။(သက်တမ်းထပ်တိုးပိုင်ခွင့်မရှိ)
* မိမိကိုယ်တိုင် မစွမ်းဆောင်နိုင်တော့တဲ့ သက်ကြီးရွယ်အိုများကို ပြုစုပေးရတဲ့ အဘိုး၊အဖွား ဗီဇာသမားများကတော့ ၅နှစ်ဟုသတ်မှတ်ထားပေမဲ့ မိမိစောင့်ရှောက်ရတဲ့ အဘိုး၊အဖွားများက မေတ္တာရပ်ခံပေးရင် အဘိုး၊အဖွားများကွယ်လွန်သည့်အချိန်ထိ နေပိုင်ခွင့်ရှိပါတယ်။
* စိတ်မနှုံ့သော သူများ၊ ကျပ်မပြည့်သောသူများ၊ ပိုလီယိုဝေဒနာခံစားနေရသူများကို စောင့်ရှောက်ရတဲ့ ဗီဇာသမားများမှာလည်း အထက်က အဘိုး၊ အဖွားဗီဇာလိုပဲ မိမိမရှိရင်မဖြစ်တဲ့အတွက်
(စိတ်မနှုံ့သူနဲ့ရင်းနှီးပြီးသားဖြစ်တဲ့အတွက်)အိမ်ရှင် ကျေနပ်သည့်အချိန်ထိ နေပိုင်ခွင့်ရှိပါတယ်။
အိမ်ဗီဇာသမားများအားလုံးရဲ့ လစာဟာ ၁လကို ယူရို ၃၁၀ နဲ့ ၁ပတ်ကို မုန့်ဖိုး ယူရို၁၀ ပေးတဲ့အတွက် ၁လရငွေ စုစုပေါင်း ယူရို ၃၅၀အသားတင်ပေါ့။
စားစရာ၊ ဝတ်စရာ၊ အမျိုးသမီးအသုံးအဆောင်၊ မိုဘိုင်းလ်ဖုန်း၊ ကင်မရာ၊ကအစ အိမ်ရှင်က အကုန်ဝယ်ပေးပါတယ်။ အလုပ်သမားတိုင်းကို Medical Insurance လုပ်ပေးထားတဲ့တွက် ဖျားရေး၊နာရေးအတွက် ဆရာဝန်ကောင်းများနဲ့ပြသနိုင်ပါတယ်။(ပိုက်ဆံမကုန်ပါ)။
တနင်္ဂနွေနေ့နဲ့ အစိုးရရုံးပိတ်ရက်များမှာ နားခွင့်(အပြင်လျှောက်လည်ခွင့်) ရကြပါတယ်။
၁နှစ်မှာ ခွင့်၁လကြာ မိမိနိုင်ငံကို ပြန်လည်ခွင့်ရှိပါတယ်၊။ လစာမဖြတ်ပါဘူး။


(၃)ဟိုတည်နှင့်စားသောက်ဆိုင်ဗီဇာသမားများကတော့ ၅နှစ်နေပိုင်ခွင့်ရှိပါတယ်။
လခအဖြစ် ၁လကို ယူရို ၁၀၀၀ မှ၁၂၀၀ ကြားရပါတယ်။
၁ရက်ကို ၁၀နာရီအလုပ်လုပ်ကြရတယ်။ နေစရာပေးတယ်၊ ဆိုင်မှာစားခွင့်ရှိတယ်၊(အလုပ်ပိတ်ရက်ဆိုရင်တော့ ကိုယ့်ဖာသာချက်စားပေါ့)။ Medical Insurance လုပ်ပေးပါတယ်။
တနင်္ဂနွေနေ့ တိုင်း အလုပ်နားခွင့်ရှိတယ်ဆိုပေမယ့် နိုင်ငံခြားသားများလာရောက်အပန်းဖြေတဲ့နိုင်ငံဖြစ်တဲ့အတွက် ဆိုင်တိုင်းလိုလိုဟာ အလုပ်များပါတယ်။
အဲဒီအတွက် အလုပ်နားခွင့်မရှိပါဘူး(၇ )ရက်လုံး အလုပ်လုပ်ကြရပါတယ်)။ ဒါပေမယ့် မရခဲ့တဲ့ အဲဒီခွင့်ရက်တွေကို အလုပ်ပါးတဲ့ ဆောင်းရာသီမှာ အကုန်စုပြီး နားခွင့်ပေးပါတယ်။
၁နှစ် စာအတွက် ဆောင်းရာသီမှာ မိမိတို့နိုင်ငံကို အလည်ပြန်ခွင့်ရှိပါတယ်။ (သူဌေးလူလည်ကျထားလို့ ကျမတို့ဆိုင်က ဝန်ထမ်းတွေကတော့ လေယာဉ်လက်မှတ်ကို ကိုယ့်ဖာသာပေးရပါတယ်)။
အဲဒီခွင့်ပြန်တဲ့ ၁လစာ လခကိုတော့ မဖြတ်ပါဘူး။(ဖြတ်ရင်လည်း အဲဒီသူဌေးကို ခေါင်းရိုက်ခွဲဖို့ပဲရှိပါတော့တယ်).:P
ပွဲစားခကတော့ ယူရို ၅၀၀၀ ပေါက်ပါတယ်။

(၄)စီးပွားရေးလာလုပ်တဲ့ ဗီဇာအတွက်ကတော့ ဘဏ်ထဲမှာ ယူရို ၁သိန်းထည့်ပြရပါတယ်၊။ အိမ်၁လုံးဝယ်ပြရပါတယ်၊ ၁နှစ် တခါ ဗီဇာသက်တမ်းတိုးရပါတယ်၊ တိုးတိုင်းလည်း ဘဏ်ထဲက မိမိလုပ်တဲ့ စီးပွားရေးရဲ့ ဝင်ငွေ ထွက်ငွေကို စစ်ပါတယ်(တကယ် စီးပွားရေး လုပ်၊ မလုပ်)။
ဆိုက်ပရပ်စ်နိုင်ငံရဲ့ အဓိက ထွက်ကုန်ဟာ စပျစ်ဝိုင်၊ အော့လစ်ဗ်သီးများမှထွက်သော အော့လစ်ဗ်ဆီ တို့ဖြစ်ပြီး ဟိုတည်နှင့် စားသောက်ဆိုင်လုပ်ငန်းများပဲရှိတာကြောင့် တခြားနိုင်ငံမှ စီးပွားရေး လာလုပ်သူများရှိကောင်း ရှိပေမယ့် သိပ်မတွေ့ရပါဘူး။

နိဂုံးချုပ်ပြောချင်တာကတော့...
လက်ရှိအခြေအနေမှာ ဆိုက်ပရပ်စ်နိုင်ငံကို လာနိုင်တဲ့ ဗီဇာများထဲက ဟိုတည်နှင့်စားသောက်ဆိုင်ဗီဇာ( Restaurant Visa)ကို အစိုးရက ပိတ်ထားပါတယ်။
ကျန်ရှိတဲ့ အိမ်ဗီဇာ(House Maid)၊ ကျောင်းဗီဇာ(Student Visa)၊ ကုမ္ပဏီဗီဇာ( Business Visa) များကိုတော့ ဖွင့်ထားကြောင်း ကျမသိသလောက် ရေးသားလိုက်ပါတယ်။

မှတ်ချက်။ ။ စာဖတ်သူ သူငယ်ချင်းများလည်း သိချင်တာများရှိရင် မေးနိုင်ပါတယ်၊ ကျမ သိသလောက် ပြန်လည်ဖြေကြားသွားပါ့မယ်။

Posted in: ဆိုက်ပရပ်စ်နိုင်ငံမှ ဗဟုသုတများ