"မယ်ဗိုက်ရဲ့ခွဲစိတ်ခန်း အတွေ့အကြုံ"

တစ်ညလုံး အိပ်မရခဲ့ဘူး။
ဗိုက်ကြီးခွဲမယ်ဆိုတော့ ကြောက်တာကိုးးး

အရင်က ဗိုက်ထဲမှာ အငြိမ်မနေတဲ့ဘေဘီလေးဟာ ထူးထူးခြားခြား ရင်ခေါင်းမှာ တက်ကပ်ပြီး ငြိမ်နေပါတယ်။

ကလေးရဲ့နှလုံးခုန်သံကို စမ်းကြည့်တော့လည်း နှလုံးခုန်နေတော့ မိခင်ရဲ့ကြောက်စိတ်ကြောင့် ကလေးပါကြောက်ပြီး ငြိမ်နေတယ်လို့ ထင်ထားမိတာ။

အဲဒီလိုနဲ့ နောက်နေ့ မနက် ၆နာရီ၅၀မိနစ်မှာ ခွဲခန်းထဲ ဝင်ခဲ့ရသည်။

ခွဲခန်းထဲက ဆရာမတွေ ၆ယောက်လောက်ရှိမယ်။
စကားသံလေးတွေက ချိုမြနေတာပဲ။
လူနာကြောက်နေမှန်းသိလို့ ချော့နေကြတာ။

ကိုယ်ကလည်း ပွဲမဝင်ခင် စီနီယာဗိုက်တွေကို အင်တာဗျူးထားသူမို့ မီးဆလောင်းအောက်က ကုတင်ပေါ်ကိုရောက်ကတည်းက ပါးစပ် ပေါက်ပေါက်ဖောက်တော့တာပေါ့။

"ဆရာမ… ကျမ အရမ်းကြောက်တတ်တယ်နော် …
ထုံဆေးကြောင့် မနာမှန်းသိပေမယ့် နားက အသံတွေကြားနေရင် ရှော့ဖြစ်သွားလိမ့်မယ်… အိပ်ဆေးလိုမျိုး ဆေးတစ်ခုခုထိုးပေးပါ "

"ထိုးပေးမယ် ထိုးပေးမယ် ဘာမှမပူနဲ့ ထုံဆေးလေးထိုးရအောင် ဘေးလေးစောင်းပေးနော် ဒူးလေးတတ်နိုင်သလောက်ကွေးထား ခေါင်းလေးကို အောက်ငုံ့ကြည့်တဲ့ပုံမျိုး ငုံ့ထားပေး"

"ဆရာမ… ကျမက တင်အရိုးကွင်း ဟထားတာ အရမ်းကွေးလို့ မရဘူး နာတယ်"

"ရတယ် ရတယ် ရသလောက်ပဲကွေး"

"ရပြီ ခါးရိုးကို ဆေးထိုးတော့မယ်နော် မကြောက်နဲ့ စိတ်ကိုလျှော့ထား မလှုပ်လိုက်နဲ့နော်"

အဲဒီလိုပြောပြီး ဆေးထိုးပါတယ်။ ထင်ထားသလောက် မနာပါဘူး။
ရိုးရိုးဆေးထိုးသလောက်ပါပဲ။

ထိုးပြီးတာနဲ့ ခါးအောက်ပိုင်း ကျင်လာပါတယ်။
     
" ဆရာမ ဆေးက မထုံဘူး ကျင်ပဲကျင်သေးတယ် ခြေထောက်လှုပ်ကြည့်တာရတယ်"

အဲဒီလိုပြောပြီး ခြေထောက်ကို လှုပ်ပြလိုက်ပါသေးတယ်။
(အခု ပြန်စဉ်းစားကြည့်တော့မှ ထုံတာနဲ့ကျင်တာ  သိပ်မကွာဘူးမဟုတ်လား)

ခွဲမယ့်ဆရာဝန်ကြီး အခန်းထဲဝင်လာတော့ ထုံးစံအတိုင်း
"ဆရာ သမီးကြောက်တယ် အိပ်ဆေးထိုးပေးပါ"
"နေပါအုံးအေ ညည်းနဲ့ပြောစရာတွေ ရာတွေရှိသေးတယ်။

"မပြောဘူး ကြောက်တယ် ခွဲပြီးမှပြောမယ် အိပ်အောင်လုပ်ပေးပါဆရာ "

ကြောက်စိတ်နဲ့ကျမ မျက်လုံးကို စုံမှိတ်ပြီး   ပြောနေခဲ့သည်။

ကုတင်ဘေးက ဆရာမတွေက ကျမကို ဝိုင်းမေးပါတယ်။
"သားလေးလား သမီးလေးလား"
"သားလေး"
"သားဦးပေါ့"
"ဟုတ်…"
"နောက်တစ်ယောက်ထပ်ယူအုံးပေါ့"
" မယူတော့ဘူး "

မျက်လုံးကို စုံမှိတ်ပြီး မေးသမျှတွေကို ပြန်ဖြေနေမိတယ်။

"တွန်း… တွန်း… "

ရင်ခေါင်းကနေ အောက်ကို လက်နှစ်ဖက်နဲ့တွန်းထုတ်နေတဲ့ အသိကို ကျမသိနေခဲ့တယ်။
မနာပေမယ့် ကိုယ်ခံန္ဓာတစ်ခုလုံး လှုပ်နေတဲ့အရှိန်ကြောင့် ကျမ အသံထွက်ပြီး ညည်းမိသည်။

"ဖင်တစ်နေတယ် တွန်း… တွန်း"
"ထွက်ပြီ ထွက်ပြီ"
"အကြီးကြီးပဲ"

"မျက်စိဖွင့်ကြည့်ပါအုံး သားလေးကချစ်စရာလေး "
"မကြည့်ရဲဘူး ကြောက်တယ် အပြင်ရောက်မှပဲ ကြည့်တော့မယ်"
(ကျမအထင် ဗိုက်ထဲက ထွက်ကာစ သွေးရဲရဲသံရဲရဲထင်တာကိုး)  
"ခြေလက်လေးတွေ စုံရဲ့လားဟင်"
"စုံတယ် စုံတယ်"

ကျမ စိတ်အေးရပြီ
မျက်လုံးကတော့ မှိတ်ထားဆဲ။
 
နားထဲမှာ ကြားနေရသည့် အသံတစ်ခု။
နောက်မှသိရသည်က သားအိမ်ထဲမှ အညစ်အကြေးများကို       စက်နှင့်စုတ်ထုတ်နေသည့် အသံဖြစ်ကြောင်း  နောက်မှသိရသည်။
အားလုံးပြီးစီး၍ ကျမအား ခွဲခန်းမှတဆင့် စောင့်ကြည့်ခန်းတွင် နာရီဝက်ခန့်နေစေပြီး သွေးပေါင်ချိန်အတက်အကျကို ၆ခါ/၇ခါခန့် အချိန်ခြားချိန်စေပြီးမှ အခန်းသို့ ပြန်ပို့ပေးသည်။

ခွဲခန်းတွင်းကြာချိန်မှာ မိနစ်၂၀ခန့်သာဖြစ်သည်။ ထိုမိနစ်၂၀အတွင်း မည်သို့ဗိုက်ခွဲ၍မည်သို့ဗိုက်ပြန်ချုပ်လိုက်သည်ကို ကျမ မသိလိုက်သည်မှာအမှန်။

နာကျင်မှုလုံးဝမရှိပဲ သားလေးကို အောင်မြင်စွာမွေးဖွားခဲ့သည်။ ကံကောင်းခြင်းတစ်ချက်မှာ ခွဲစိတ်ရက် မတိုင်ခင် တစ်ရက်အလိုက ကျမ၏ကြောက်စိတ်ကြောင့် ဗိုက်ထဲမှသန္ဓေသားမှာ ရင်ခေါင်းထက်တွင် ငြိမ်၍တက်ကပ်နေခြင်းမဟုတ်။

ယခင်ရက်များက ကလေးအလှုပ်များပြီး လည်ပင်းတွင် ချက်ကြိုးရစ်ပတ်နေခြင်းကြောင့် ကလေးမှာ လှုပ်မရ၍ ငြိမ်နေခြင်းဖြစ်သည်။

အကယ်၍ ခွဲစိတ်ရက် နောက်ကျခဲ့ပါလျှင် သားလေး၏အသက်ကို စိုးရိမ်ရပေလိမ့်မည်။

ခွဲခန်းထဲကထွက်ပြန်တော့ ထုံဆေးအရှိန်ရယ် ကလေးမွေးပြီးမှ မိခင်နှစ်ချိုက်စွာအနားယူနိုင်ရန် အိပ်ဆေးထိုးပေးထားသည့် အရှိန်ကြောင့်  နှစ်ချိုက်စွာ အိပ်ပျော်ခဲ့ပါသည်။ စိတ်လျှော့လိုက်တာလည်းပါမည်။

ညနေ၃နာရီခန့်တွင် ထုံဆေးအရှိန်စပျယ်ပြီး ဗိုက်ခွဲထားသောနေရာမှ အနည်းငယ် စနာလာပြီဟု ခံစားရသဖြင့် တာဝန်ကျဆရာမအား အနာသက်သာဆေး ထိုးခိုင်းလိုက်ပါသည်။

ည ၉နာရီ အချိန်ခန့်တွင် နောက်ထပ် အနာသက်သာဆေးတစ်လုံးနှင့် အိပ်ဆေးတစ်လုံး ထပ်ထိုးပေးသဖြင့် နာကျင်မှုလုံးဝ မရှိသလောက်နည်းပါးပါကြောင်း ဗိုက်ခွဲမွေးမည့် မိခင်လောင်းများအတွက်    ကျမကဲ့သို့ စိုးရိမ်မှုမရှိစေရန်နှင့် ကြောက်စိတ်လျှော့နည်းစေရန် ဗဟုသုတအနေဖြင့် မယ်ဗိုက်ရဲ့ခွဲစိတ်ခန်း အတွေ့အကြုံကို မျှဝေလိုက်ရပါသည်။

(သားဖွားနှင့် မီးယပ်အထူးကုဆရာဝန်ကြီး OGဦးတင်မောင်အေးနှင့် ကလေးအထူးကုဆရာဝန်ကြီး PROF ဦးကျော်ဇင်ဝေနှင့်တကွ     SSCဆေးရုံမှ  ဆရာမ မညိုကြည်၊  ဆရာ/ဆရာမများအားလုံးနှင့် ဝန်ထမ်းများအားလုံးကို ကျေးဇူးအထူးတင်ရှိပါကြောင်း)